دالر بهاسی ثبات سیز بولیب، ییگولیک آزیق – اوقات ویاقیلغی ماده نینگ نرخی یوقاری کیتگنی آرتیدن کابل بلدیه‌سی احتکاردن منع قیلیش، ییگولیک و یاقیلغی ماده نرخ نواسی نینگ تعین قیلوچی کمیسیون ایجاد ایتیلگنی‌دن خبربیرگن.
کابل بلدیه‌سی نینگ سوزلاوچیسی نعمت‌الله بارکزی، بوگون اوشبو اداره نینگ بیش آیلیک ایش فعالیت و یوتوق‌لری حقیده معلومات بیریب ایتیشیچه، بوکمیسیون ییگولیک آزیق –اوقات ساتوچی‌لر و تیل تانگ‌لری‌گه انیق نرخ نامه ارایه قیله‌دی.
بیزلرنینگ فیسبوک صحیفه‌میزگه باش اورینگ!
جناب بارکزی نینگ کوپه‌یتیریشیچه، بو کمیسیون فعالیت گه باشلب، نرخ نامه ترقه‌تگن‌دن کیین مسئول نهادلر ییگولیگ آزیق –اوقات و یاقیلغی ماده بازارینی کیسکین نظارت قیلیب تخلف قیلگن کیشی لر بیلن قانونی یانده‌شه‌دیلر.
نعمت‌الله بارکزی نینگ کوپه‌تیریشیچه: «رئیس‌الوزرا بویروغی اساسیده احتکاردن منع ایتیش و ییگولیک آزیق – اوقات نرخی‌دن نظارت قیلوچی کمیسیون کابل بلدیه ریاستی چوکاتی‌ده ایجاد ایتیلگن دیر، که اونگه ایچکی‌ایش‌لر وزیرلیگی، استخبارات، باش قاره‌لاوچیلک، تجارت وسوداگرلیک اتاقی عین‌حالده کسبه‌کارلر بیرلشمه‌سی، علاف‌لر، قصاب‌لر و تیل ساتوچی‌لر نماینده‌لری نینگ عضویتی بار.»
کابل بلدیه‌سی نینگ مسئوللری‌گه کوره، اسلامی امارت حاکم بولگن‌دن بویان بازارلرنینگ نظمی، کورکم‌لیگ، تنظیف و قانون تطبیق ایتیلیش‌گه زمینه یره‌تیلگن. اوشبو نهاد نینگ تاکید قیلیشیچه، کابل بلدیه‌سی ۵۹۱ ناقانونی بناء فعالیتی‌نی توخته‌تیب و یوزلرچه جریب دولتی ییرلرنی غاصب‌لردن قیته آلیش‌گه قادر بولگن.
بیزلرنینگ توییترده هم تعقیب قیلینگ!
عین‌حالده، کابل بلدیه باشلیغی عبدالرشید بلوچ نینگ بو برنامه گه ایتیشیچه، کابلده یَشش محیط وضعیت‌نی یخشی‌لنتیریش اوچون سعی وحرکت‌لریمیز، اوتگن بیش آی ده‌گی دیک دوام ایتماقده. اونینگ کوپه‌تیریشیچه: «بیزاوتگن بیش آیده مملکت یشاوچیلریگه کوپینچه خدمت‌لرنی ارایه قیلدیک. و بیز کابل یشاوچیلریگه کوپینچه سهولتلرنی فراهم قیلیش اوچون ایشانچ بیره میز.»
شونینگ دیک کابل بلدیه مسئوللری، اوشبو ریاست درآمدی کوپه‌یگنی توغریسیده صحبت قیلیب ایتیشلریچه، اوتگن بیش آیده ۲ میلیارد افغانی درآمد توپلنگن؛ بو رقم اوتگ ییل گه قره گنده ۴۰۰ میلیون افغانی کوپه‌یگنی‌نی کورسته‌دی.
