بیر کون‌لیک اقلیم اوزگریشی ملی کنفرانسی، بوگون (۲۶-جدی، چهارشنبه)، کابل ده افغانستان بوییچه بیرلشگن ملتلر تشکیلاتی‌نینگ اقلیم اوزگریشی ۲۹ ییغیلیشی (کاپ ۲۹) نتیجه‌لری و عاقبتلری‌نی کوریب چیقیش توغریسیده اوتکزیلگن.
اطراف-محیط‌نی سقلش ملی اداره‌سی مسئوللری‌نینگ ایتیشلریچه، اقلیم اوزگریشی خلق‌ارا بیر موضوع بولیب و قوشمه شکلده سعی‌وحرکت‌گه نیاز بار. اطراف-محیط‌نی سقلش ملی اداره سرپرستی مطیع‌الحق خالص، خلق‌ارا همجمعیت‌دن افغانستان ده اقلیم اوزگریشی اثرلری کمه‌یشی خصوصیده همکارلیک قیلیشینی ایسته‌گن.
مطیع‌الحق خالص‌نینگ ایتیشیچه: «افغانستان جبرلنگن مملکت‌لردن بیری حساب‌لنه‌دی؛ بیزلر نیمه قیله آله‌میز؛ بیلیم انسان‌لردن بو ییغیلیش‌ده ییچیم یوللری‌نینگ بیان قیلیشلرینی ایسته‌یمیز که کیله‌سی کاپ ییغینی‌ده مکمل شکلده تیارگرلیگی‌میز بولسه.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اسلام امیرلیگی تشقی ایشلر وزیرلیگی مسئوللری، دنیا مملکت‌لریدن اطراف-محیط مسئله‌لری‌نیگ سیاست‌گه تیگیشلی قیلمسلیکلرینی ایسته‌گنلر.
تشقی ایشلر وزیرلیگی سیاسی اورین‌باسری شیرمحمد عباس استانکزی‌نینگ ایتیشیچه: «کیله‌سی کاپ ییغیلیشی‌گه افغانستان نماینده‌سی دعوت بولسین که افغانستان قیین‌چیلیکلرینی او ییرده بیان قیلسین. افغانستان کوپینچه قیین‌چیلیکلر بیلن روپه‌ره دیر و یامغیر‌نینگ یاغیشی نیاز بولگن پیتده یاغمه‌یدی و میوه‌لر پیشگنی‌ده پیتده، یامغیر یاغه‌دی که اقلیم اوزگریشی قیین‌چیلیکلریدن بیری دیر که افغانستان گه تاثیر قیله‌دی.»
شونینگدیک اقتصاد و ایکینچیلیک، سووغاریش و چاروه‌چیلیک وزیرلیک‌لری مسئوللری، آزیق-آوقت خوفسیزلیگی، جبری مهاجرتلر و قوروق‌چیلیک‌نی، اقلیم تاثیرلری خصوصیده‌گی اونملی عاقبتلری عنوان قیلگنلر.
اقتصاد وزیرلیگی مسلکی معینی عبداللطیف نظر‌ی‌نینگ ایتیشیچه: «اقلیم اوزگریشلری اثرلریدن بیری، آزیق-آوقت خوفسیزلیگی و ساغلیق قیین‌چیلیک دیر وشونینگدیک باشقه سببی ایسه مهاجرت دیر و بیزلر جبری مهاجرت بیلن روپه‌ره بولگن‌میز و بو قیین‌چیلیک‌نینگ ملی و خلق‌ارا همکارلیککه نیازی بار.»
شونینگدیک ایکینچیلیک، چاروه‌چیلیک و سووغاریش وزیرلیگی‌نینگ طبیعی منبع‌لر و سووغاریش بوییچه معینی بازمحمد فیضان‌‌گه کوره: «افغانستان زراعتی بیر مملکت دیر و وقتی‌ده یامغیر و قار یاغمه‌گنی و سوو منبع‌لری کمه‌یگنی صورت‌ده، بو طبیعی بیر موضوع دیر که باغ‌دارلر زیان کوره‌دی.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، افغانستان ده بیرلشگن ملتلر تشکیلاتی‌نینگ اورین‌باسرلیک هیئت دفتری (یوناما) باشیلیغی‌نینگ ایتیشیچه، افغانستان ده اقلیم اوزگریشی، بیرلشگن ملتلر تشکیلاتی‌نینگ اولویتی‌ده دیر. یوناما باشلیغی روزا اوتونبایوا‌نینگ کوپه‌یتیریشیچه، بو نهاد اقلیم اوزگریشلری بوییچه خلق‌ارا ییغین‌لر گه اسلام امیرلیگی‌دن نماینده‌نینگ حضوری بولیشی اوچون سعی‌وحرکت قیله‌دی.
اوتونبایوا‌نینگ اورغولشیچه: «افغانستان اقلیم اوزگریشلری اثرلریدن کوپراق تاثیر کورگن مملکت‌لردن بیری دیر و کوپراق عیاللر و باله‌لرنی تاثیرلنتیرگن. خلق‌ارا نهادلردن اوز مسئولیت‌لری‌نینگ یخشی شکلده انجام بیریشلرینی ایسته‌یمیز. افغانستان ده اقلیم اوزگریشی بیرلشگن ملتلر تشکیلاتی‌نینگ اولویت‌لریدن دیر و اطراف-محیط‌نی سقلش اداره‌سی سیسینی دنیا گه ییتیشتیریش اوچون سعی‌وحرکت قیله‌میز که خلق‌ارا ییغین‌لر گه دعوت بولسین.»
اطراف-محیط‌نی سقلش ملی اداره‌سی‌نینگ معلوماتی اساسیده، اوتگن نیچه ییل‌ده اقلیم اوزگریشلری طفیلی مملکت طبیعی یخچال‌لریدن ۱۸۱ کیلومتری اورته‌دن کیتگن که ۱۴۹ تور چاروه و اوسیم اورته‌دن کیتیش خوفی آستیده قرار تاپیب و شونینگدیک ایکی میلیون ۵۰۰ مینگ کیشی هم آواره بولگن.
