چیگره بیلمس گزارشگرلر تشکیلاتی بوگون اوز توییتری ده، کاپیسا ولایتیده بیر خبرچی لادرک بولگنیدن خبر بیرگن. مذکور تشکیلات نینگ ایتیشیچه، کاپیسا ده‌گی خبرچی عبدالحنان محمدی، ۲۴ ساعت آلدین یوقالگن.
چیگره بیلمس گزارشگرلر تشکیلاتی نینگ کوپه‌یتیریشیچه، عبدالحنان محمدی کوپ احتمال بیلن حبس گه آلینگن. اوشبو نهاد اسلامی امارت دن «بوگَل خوفلی حبس گه آلینیش» باره‌سیده جواب قیتیریشنی سوره‌گن.
چیگره بیلمس گزارشگرلر نینگ یازیشیچه: «چیگره بیلمس گزارشگرلر، اوز باشیمچه‌لیک روشده خبرچی‌لر قولگه آلینیشی خصوصیده خواطرینی بیلدیریب و اسلامی امارت سرپرست حکومتی دن، بو کبی خوفلی قولگه آلینیش باره‌سیده جواب قیتیریشنی طلب قیلگن.»
بیزلرنینگ فیسبوک صحیفه‌میزگه باش اورینگ!
عبدالحنان محمدی لادرک بولیشی بیلن، مملکت ده خبرچی‌لر مصون ایمس‌لیگیگه عاید خواطرلرنی کوچه‌یتیرگن. باشقه تاماندن، اوتگن کونی چیگره بیلمس گزارشگرلر تشکیلاتی سونگی بیر آی مابینیده مملکت بویلب ۱۲ خبرچی قولگه آلینگندن خبر بیرگن.
مذکور تشکیلات نینگ ایتیشیچه: «چیگره بیلمس گزارشگرلر اوز باشیمچه‌لیک قولگه آلینیش‌لرنی محکوم قیله‌دی و اسلامی امارت حکومتیدن، ژورنالیست‌لر مصونیتی و میدیالر قانون_قاعده‌لری گه حرمت قیلیشنی سوره‌یدی.»
خبرچی‌لر حبس گه آلینیش دوامی، مملکت ایچیده خبرنگارلر نینگ خواطری گه سبب بولگن. سلام‌وطندار بیلن صحبت اوتکزگن صنوبر پارسا و وحیده بیات، ایشلری برابریده‌گی قیینچیلیک و چیکلاولر یره‌تیلیشیدن شکایت قیله‌دیلر.
صنوبر پارسا نینگ ایتیشیچه: «اسلامی امارت تامانیدن خبرچی‌لر اینیقسه عیال خبرچی‌لری ایشلری گه چیکلاو یره‌تیلیشی، ایشلریمیزنی قیینچیلیککه روپه‌ره قیلگن. بو قینچیلیکلر حلی ایتیلیشی گه امید بیلدیره‌من.»
وحیده بیات گه کوره: «مملکتده‌گی موجود وضعیت علاقه‌میزنی کمه‌یتیرگن و اساسی شکلده موضوع‌نی ایزله‌ی آلمه‌یمیز.» اولکه بویلب خبرچی‌لر حبسگه آلینیش دوامی و لادرک بولیشی، خبرچی‌لردن حمایت قیلووچی نهادلر نینگ خواطری گه سبب بولگن.
اولر مملکتده میدیالر تخلف‌لری و شکایت‌لری گه ایریشیش کمیسیون فعالیت گه باشلشینی ایسته‌یدیلر؛ اوشبو کمیسیون نیچه مرته فعالیت گه باشله‌شیدن خبر بیریلسه ده، لیکن حاضرگچه فعالیت گه باشلمه‌گن.
بیزلرنینگ توییترده هم تعقیب قیلینگ!
افغانستان ژورنالیست‌لر فدراسیونی و میدیالر نهادلری رهبرلیک عضوی ظریف کریمی نینگ ایتیشیچه: «بو وضعیتدن خواطرده میز، نیچه مرته حکومتدن خبرچی‌لرنی اوز باشیمچه شکلده قولگه آلمسلیکلرینی سوره‌دیک، خبرچی‌لرگه قرشی زوروانلیک کمه‌یشی مقصدیده، ایش تخطی‌لری حقوقی و قانونی روشده حل بولیب و خبرچی‌لر شکایت‌لری حلی اوچون انیق مرجع بولیشی کیره‌ک.»
ایتیش کیره‌ک که، نیچه کون آلدین سلام‌وطندار نینگ ۱۵ ولایتدن ۱۸ خبرچی نینگ فعالیتی خصوصیده‌گی مستندی ترقه‌تیلدی، اوشبو مستند گه بناً اسلامی امارت نینگ خبرچی‌لر اوستیده‌گی باسیمی، خبرلر و گزارش‌لرینی سانسور قیلیش گه مجبور بولیشگن.