جوزجان ساغلیق نی سقلش مسئوللری نینگ ایتیش‌لریچه، گرچند معتادلر نینگ درمانلش اوچون کوپینچه سعی و حرکت قیله‌دیلر، بیراق بویوک‌لر درمان بوله‌دیگن ۵۰ یاتاقلی کسلخانهده امکانیت کملیگی و شونینگدیک ییگیت‌لر درمان بوله‌دیگن ۵۰ یاتاقلی کسل‌خانه‌‌سیده ایسه یاتاق کملیگی بیلن روپه‌ره بولگنلر.
جوزجان ساغلیق نی سقلش سرپرستی داکتر عبدالغنی صمیم نینگ ایتیشیچه، اوشبو کسل‌خانه‌لرده ییترلیچه امکانیت یوقلیگی و یاتاق کملیگی باعث، مذکور ولایت معتادلر نی درمانلش کسل‌خانه‌سی نینگ ایش پروسه‌سی قیین‌چیلیکلر بیلن دوچ کیلگن.
بیزلرنینگ فیسبوک صحیفه‌میزگه باش اورینگ!
جوزجان ساغلیق نی سقلش سرپرستی گه کوره، ایکی دولتی کسلخانهده و بیر خصوصی کسلخانهده اونلرچه معتاد، مخدره ماده نی ترک قیلیش اوچون درمان آستیده قرار تاپگنلری بیرحالده، بیراق اوشبو ولایت نیازلری نی حل قیله آلمه‌یدی.
بیزلرنینگ توییترده هم تعقیب قیلینگ!
شونده‌ی بیرحالده، مخدره ماده گه قرشی کوره‌ش ریاست رئیسی مولوی جانان عزیزی، جوزجان ده ۱۱ کیشی‌لیک بیر هیأت ییتکچیلیگیده اوشبو ولایت‌ده‌گی معتادلر نی درمانلش کسل‌خانه‌سی گه باریب و کسل‌خانه‌لردن نظارت قیلگنیدن کیین، مذکور کسل‌خانه‌لر قیین‌چیلیک‌لری نینگ حل قیلیشی نی بیلدیرگن.
مخدره ماده گه قرشی کوره‌ش ریاست رئیسی گه کوره، اسلامی امارت اوشبو ولایت گه هیأت تعین قیلگنی بیلن، قیین‌چیلیکلر نی حل قیلیب و بو زمینه‌ده یخشی‌راق خذمت‌لر زمینه‌سی نی فراهم قیلیش اوچون قرار آلگن.
جوزجان یشاوچیلری اوشبو ولایت‌ده معتادلر سانی کوپه‌یگنی خصوصیده خواطر بیلدیرگنلری بیرحالده، مذکور بیانات مطرح بولگن.