افغانستانده قدیمی تاریخ گه ایگه بولگن کلاللیک صنعتی، زحمتی کوپ و خریداری کم بیر صنعت دیر و بوگون‌لیک کونده، آز کیشی‌لر سفالی دیش‌لردن فایده لنه‌دیلر. جوزجان‌لیک کلالچیلردن حبیب‌الله نینگ ایتیشیچه، ایکی سنه‌دن بویان کلاللیک شغلی بیلن مصروف و کونیده ایاغ چرخی بیلن، نازک گلدان‌لر همده موزلی چلاو و سوو اوچون مخصوص کوزه‌لرنی توزه ته‌دی.
اونگه کوره، جوزجان بازارلریده تشقی مملکت‌لر صادراتی رونق تاپمه‌گونچه، سفالی ایدیش‌لر نینگ ۹۰ فایز خریداری بار ایدی، بیراق زمان اوتیشی بیلن سفالی ایدیش‌لردن استفاده قیلیش، کوزگه کورینرلی درجه‌ده کمه‌یگن.
بیزلرنینگ فیسبوک صحیفه‌میزگه باش اورینگ!
کلالچیلردن باشقه بیری گل‌مراد نینگ ایتیشیچه، انچه ییل‌لردن بویان مهارتی طفیلی زینتی بویوم‌لرنی توزیش بیلن اوشبو هنرنی سقلب قالگن، لیکن قوشنی اولکه‌لردن صادر ایتیله یاتگن زینتی بویوم‌لر، اوشبو صنعت‌نی تنزل گه روپه‌رو قیلگن.
اونگه کوره، بو صنعت رواجی خصوصیده دقت بولمه‌گن تقدیرده، بوتونلی یوق ایتیلیشی ممکن.
بیزلرنینگ توییترده هم تعقیب قیلینگ!
سفالی ایدیش‌لر فایده لنه‌دیگن جوزجان یشاوچیلریدن قطاری نینگ ایتیشلریچه، اقتصاد کوچه‌یشی، فرهنگ رواجی و تاریخی میراث‌لرنی سقلش اوچون وطنی بویوم‌لردن برچه کیشی‌لر فایده‌لنیشی کیره‌ک.
تاریخی معلومات لرگه بناً، کلاللیک صنعتی تخمیناً تورت یوز ییل آلدین بخارادن افغانستان گه انتقال بیریلیب و او زماندن بویان مملکت نینگ تورلی بورچک‌لریده بو صنعت حاضرگچه دوام ایتماقده.
