جوزجان خوفسیزلیک مسئوللری، اوشبو ولایت ده قار و هوا ساووق‌لیگی باعث قربان‌لر رقمی ۲۴ کیشی گه ییتگنیدن خبر بیره‌دیلر.
جوزجان امنیه قوماندان‌لیگی سوزلاوچیسی عبدالستار حلیمی نینگ سلام‌وطندار گه ایتیشیچه، مذکور ولایتده قار و هوا ساووق‌لیگی باعث تلفات رقمی آشماقده و قربانی‌لر رقمینی انیقلش اوچون بیر هیأت تعینلنگن.
جوزجان امنیه قوماندان‌لیگی سوزلاوچیسی گه کوره، هوا ساووق‌لیگی طفیلی حاضرگچه ۱۵ ایرکک، ۵ عیال و ۴ باله هلاک بولگنلر.
بیزلرنینگ فیسبوک صحیفه‌میزگه باش اورینگ!
جوزجان معلومات و مدنیت باشلیغی سیف‌الدین معتصم، زیان کورگن عایله‌لر گه انسان پرولیک یاردم بیریلیشی اوستیگه تأکید ایته‌دی.
اونگه کوره، قربانی‌لر و مالی زیان کورگنلر رقمینی انیقلش اوچون سعی و حرکت قیلماقده‌لر.
باشقه تاماندن، قار و هوا ساووق‌لیگی باعث زیان کورگن عایله‌لردن قطاری، انسان پرورلیک یاردم بیریلیشنی سوره‌یدیلر.
بیزلرنینگ توییترده هم تعقیب قیلینگ!
اولر نینگ ایتیشلریچه، هوا مثل‌سیز درجه ده ساووق بولیشی باعث ییگولیک و یاقیلغی ماده‌لردن فایده‌لنیش قیین بولگن.
ایتیش کیره‌ک که، افغانستان هواشناس‌لیک ریاستی اوشبو هفته باشله‌نیشیده مملکت بویلب هوا مثل‌سیز درجه ده ساووق بولیشیدن آگاه‌لنتیرگن ایدی.
