جوزجان مهاجرلر و باش‌پناه ایزلاوچیلر ریاست مسئوللری نینگ ایتیشلریچه، بوگون اوشبو ولایت نینگ مُردیان، مینگجیک و درزاب تومن‌لریده ۳۰۰ محتاج و قشاق عایله گه سوتلی سیگیر و حیوانی آزیقه همده چارواچیلیک اوسکونه‌لرنی توزیع قیلگنلر.
جوزجان مهاجرلر و باش‌پناه ایزلاوچیلر ریاست سرپرستی عبدالقیوم نظری نینگ ایتیشیچه، مذکور برنامه یونسیار دفتری نینگ مالی همکارلیگی بیلن نیازمند عایله‌لر نی کوچلنتیریش مقصدی‌ده فراهم بولیب و اوشبو پروسه او-آر-دی دفتری آرقه‌لی صورت تاپگن.
جوزجان مهاجرلر و باش‌پناه ایزلاوچیلر ریاست رئیسی گه کوره، هر بیر نیازمند عایله گه بیر سوتلی سیگیر، بیر بوزاق ، ۴۰۰ کیلوگرام‌دن کوپراق حیوانی آزیقه، ۸۴۰ کیلوگرام سامان و ۴ قلم چارواچیلیک اوسکونه ترقه‌تگنلر.
بیزلرنینگ فیسبوک صحیفه‌میزگه باش اورینگ!
جناب نظری گه کوره، اوشبو یاردم‌لردن مقصد سونگی اوروش‌لر و قروق‌چیلیکدن زیان کورگن عایله‌لر گه یاردم بیریش دیر.اونینگ کوپه‌یتیریشیچه: «اوشبو یاردم‌لر ناگران‌لر، قشاق‌لر و بیجا بولگن عایله‌لر ترقه‌تیلدی که مذکور بیر قطار سیگیرلر نینگ ترقه‌تیلشی بیلن عایله‌لر قیین‌چیلیگی نینگ حل بولیشی ممکن.»
مذکور یاردم‌لردن فایده‌لنگن عایله‌لر نینگ ایتیشلریچه، حاضرگی وضعیت‌ده حیات کیچیریش اوچون بو کبی یاردم‌لر گه جدی شکلده نیازلری بار.اولر گه کوره، قروق‌چیلیک و ایش فرصت‌لری یوقلیگی، اهالی نی یامان بیر وضعیت‌ده قرار بیرگن و انه شوو سبب، بو کبی یاردم‌لر نینگ کوپه‌یشی کیره‌ک.
بیزلرنینگ توییترده هم تعقیب قیلینگ!
جوزجان ولایتی مردیان تومنی نینگ یشاوچیلریدن بیری عبدالرزاق نینگ ایتیشیچه: «الحمد‌الله بیزلرگه یاردم بیردیلر که اوشبو یاردم‌لر آره‌سیده سیگیر شامل دیر که سیگیر نی سوتی نی ساتیب روزغاریمیز گه مصرف قیله‌میز و شونینگدیک کوپراق یاردم بیریش‌لری نی ایسته‌یمیز.»
جوزجان ولایتی مردیان تومنی نینگ یشاوچیلریدن باشقه بیری محمد توردی نینگ ایتیشیچه: «ایش کار یوق، ایش بیره‌دیگن بیر کیشی یوق و پول یوق. شکر مواد بیریلدی و اوشبو یاردم‌لردن روزغار گه مصرف قیله‌میز دیب کوپ خورسندمیز.»
شونینگدیک بوندن آلدین جوزجان تومنیدن قطاری‌ده اهالی اقتصادی وضعیتی نینگ یخشی‌لنیشی اوچون سوتلی ایچکی‌لر و تاووق ترقه‌تیلگنی بیرحالده، اوشبو یاردم‌لر صورت تاپگن.