اسلام امیرلیگی باش وزیری نینگ اقتصادی اورین باسرلیگی، بوگون (سه‌شنبه، ۸-عقرب)، بیر بیانیه ترقه‌تیش بیلن ایتیشیچه، جوزجان ده سمنت ایشلب چیقریش بویوک بیر کارخانه نینگ قوریلیش شرطنامه‌سی امضالنگن.
بیانیه اساسیده، جوزجان ولایتی «ییتیم‌تاق» سمنت ایشلب چیقریش بویوک کارخانه نینگ قوریش شرطنامه‌سی، اسلام امیرلیگی باش وزیری نینگ اقتصادی اورین باسری عبدالغنی برادر حضوری بیلن، بوگون کانلر و پترولیم وزیرلیگی و تورکیه‌لیک ۷۷ اسملی بیر شرکت آره‌سیده امضالنگن.
بیزلرنینگ «ایکس» ترماغی ده هم تعقیب قیلینگ!
بو شرطنامه اساسیده، تورکیه‌لیک شرکت مذکور کارخانه‌ده ۱۶۳ میلیون دالر سرمایه یاتقیزیب و کونده ۳۰۰۰ تُن سمنت ایشلب چیقریلیشی ممکن.
مذکور شرطنامه نینگ امضالنیش برنامه‌سیده، کانلر و پترولیم وزیرلیگی مسئوللری نینگ ایتیشلریچه، اوشبو شرطنامه ۳۰ ییل‌لیک بولیب و اونینگ اساسیده، تورکیه‌لیک شرکت سمنت نینگ قیدیریلیشی، قازیب چیقریلیشی، تولیدی و اجتماعی خذمتلری خصوصیده سرمایه یاتقیزیشی ممکن.
بیزلرنینگ فیسبوک صحیفه‌میزگه باش اورینگ!
بیانیه‌ده کیلیشیچه، مذکور سمنت کارخانه‌سی نینگ قوریلیشی بیلن، قریب ۱۲۰۰ کیشی گه ایش زمینه‌سی یره‌تیله‌دی.
ایتیش کیره‌ک که، کانلر و پترولیم وزیرلیگی سمنت ایشلب چیقریلیشی بولیمی‌ده مملکت خودکفالیگی مقصد، بوندن آلدین هم ۴۷۶ میلیون دالر ارزشی گه جبل‌السراج، قندهار و هرات سمنت لایحه‌لرینی نی بیر قطار ایچکی و تشقی شرکت‌لر بیلن امضالگن.