ینگی‌لیکده جوزجان مرکزی شبرغان شهری ده بیر سوداگر، شخصی پولی دن «تورکستان ایشخانه‌سی» آتیده اون ایشلب چیقرووچی بیر ایشخانه ایجاد ایتگن.
مذکور ایشخانه مسئولی بازمحمد گه کوره، اوشبو ایشخانه دهقان‌لر و ایچکی محصولات‌لرنی قوللب_قوتلش مقصدیده ایجاد ایتیلگن و حاضر بو ییرده ۳۰ کیشی ایش بیلن تأمینلنگن.
بازمحمد نینگ ایتیشیچه، مذکورایشخانه ۳۵ ایشلاوچی بیلن ۲۴ ساعت ایچیده ۳۵ تُن اون ایشلب چیقریش کوچیگه ایگه دیر که فاریاب، سرپل و کابل گه صادر ایتیله‌دی.
بیزلرنینگ فیسبوک صحیفه‌میزگه باش اورینگ!
اونگه کوره: «اوشبو ولایتده کوپراق فابریکه‌لرنی ایجاد ایتیب و ایشلاوچیلر سانینی کوپه‌یتیریش اوچون پلان‌لریمیز کوپ ، حاضر اون ایشلب چیقریش بولیمیده ۳۰ کیشی و یاغ ایشلب چیقریش بولیمیده ۳۰ کیشی ایشله‌یدی، بو رقم نی استه_سیکین ۳۰۰ و ۴۰۰ کیشی گه ییتکیزیش اوچون تلاش قیلماقده‌میز.»
جوزجان ایکینچیلیک، سوغاریش و چاروه‌چیلیک باشلیغی عبادالله انصار نینگ ایتیشیچه، خصوصی سکتورنی قوللب_قوتلش مقصدیده سعی‌وحرکت قیلماقده‌لر و ایش فرصت‌لرینی یره‌تیش و ناقانونی مهاجرت‌لر گه توسیق بوله‌دیگن فعالیت‌لرنی خوش قرشی له‌یدیلر.
جوزجان ایکینچیلیک، سوغاریش و چاروه‌چیلیک باشلیغی گه کوره: «دهقان‌لر بوغدای ایکیب و مناسب قیمت گه ساتسه‌لر، مملکت همده خلق فایده‌سیگه دیر، چیت ایل اولکه‌لرده یاشلریمیز تورلی خیل قیینچیلیک بیلن دوچ، افغانستان اینیقسه جوزجان ده بو گَل ایشخانه‌لر قوریلسه، یاشلریمیز مملکت نی ترک ایتمه‌یدیلر.»
اون ایشلب چیقرووچی تورکستان ایشخانه‌سی ایشلاوچیلریدن بیرقطاری نینگ ایتیشلریچه، بو ییرده ایش فرصتی یره‌تیلیشی باعث، قولی‌لیک بیلن عایله اعضالری نینگ خرجت‌لرینی تأمینله‌ماقده‌لر.
بیزلرنینگ توییترده هم تعقیب قیلینگ!
مذکور ایشخانه ایشلاوچیلریدن ذبیح‌الله گه کوره، بو ییرده ایشگه باشلش بیلن، تیریکچیلیک وضعیتی اوزگرگن.
اونینگ کوپه‌یتیریشیچه: «وطنی اون ایشلب چیقره‌میز، خارج گه بوغدای صادر ایتیلیشی گه رخصت بیرمه‌یمیز، شو ییرده ترمیده اون توزه‌تیب بازار، تومن اطرافی گه صادر ایته‌میز.»
اوتگن بیر ییل ده، مملکت ده اقتصادی پروژه‌لردن بیرقطاری نینگ فعالیتی توخته‌ب و انسان پرورلیک یاردم‌لر کیسیلیشی باعث، اولکه یشاوچیلری تورلی خیل قیینچیلیک بیلن روپه‌ره بولگنلر.
