جوزجان محلی مسئول‌لری نینگ ایتیشلریچه، ۳ میلیون افغانی‌لیک اوچ سوو ییتکیزیش پروژه ایشی بوگون یکونلنیب فایده‌لنیشگه تاپشیریلگن.
جوزجان‌ده اکتید ولایتی دفتر باشلیغی امان‌الله امین گه کوره، یونسیف دفتری نینگ مالی همکارلیگی بیلن، شبرغان شهری نینگ نوبهار، بلال‌آباد و نسیم‌آباد قیشلاق‌لریده قوریلگن مذکور سوو ییتکیزیش پروژه‌لر نینگ ایشی، ایکی یریم آی مابینیده بیتتیریلیب فایده‌لنیشگه تاپشیریلگن.
بیزلرنینگ فیسبوک صحیفه‌میزگه باش اورینگ!
جوزجان اکتید ولایتی دفتر باشلیغی نینگ ایتیشیچه، اوشبو پروژه‌لرده ۳ میلیون افغانی صرفله‌نیب و ۵۵۴ عایله صحی ییچیم‌لیک سوو بیلن تأمینلنگن.
جناب امان نینک کوپه‌یتیریشیچه، اوشبو ییل‌ده شبرغان شهری نینگ دشت لیلی و جوزجان ولایتی نینگ تومن‌لریده صحی ییچیم‌لیک سوو گه دسترسلیکلری بولمه‌گن‌لر اوچون، سوو ییتکیزیش پروژه‌لر عملگه آشیریلیش ایشی دوام تاپیشی ممکن.
جوزجان محلی متصدی‌لری، اوشبو ولایتده ترقیاتی و سوو ییتکیزیش پروژه‌لر عملگه آشیریلیشینی خوش قرشی‌لب مذکور پروژه‌لر، اهالی تامانیدن حفاظت بولیشینی سوره‌یدیلر.
شبرغان شهری یشاوچیلریدن قطاری، اوشبو اوچ پروژه عملگه آشیریلیشینی قیینچیلیکلری حلی اوچون اونملی دیب ایتیشلریچه، بوندن آلدین صحی ییچیم‌لیک سوو گه دسترسلیکلری یوق ایدی و توخته‌گن سوولردن فایده‌لنیش‌لری باعث، تورلی خیل کسل‌لیکلر گه یولیقر ایدیلر، حاضر ایسه بو قیینچلیک‌دن قوتیلیشگن.
بیزلرنینگ توییترده هم تعقیب قیلینگ!
صحی ییچیم‌لیک سوو بیلن تأمینلگن شبرغان شهری نوبهار، بلال‌آباد و نسیم‌آباد قیشلاق‌لری نینگ یشاوچیلری صحی ییچیم‌لیک سوو گه قول تاپگن بولسه‌لرده، لیکن سرک، باله‌لر باغچه‌سی و مکتب یوق‌لیگینی باشقه قیینچلیکلریدن دیب، حل ایتیلیشی اوستیگه تأکید ایته‌دیلر.
