امر بالمعروف و نهی عن‌المنکر وزیرلیگی مسئوللری بوگون (سه‌شنبه، ۷-حمل)، کابل ده یولگه قوییلگن بیر برنامه‌ده ایتیشلریچه، حکومتی اداره‌لر ایشلاوچیلری و مسئوللردن یشاوچیلر نینگ شکایت‌لری حل بولینیشی اوچون، اسلام امیرلیگی رهبری تامانیدن «شکایت‌لر نی تینگلش» ۲۳ ماده‌لی قانونی تصدیق‌لنگن.
امر بالمعروف و نهی عن‌المنکر وزیرلیگی نینگ شکایت‌لر نی تینگلش بوییچه اورین‌باسری سید‌علی صدیق‌الله، اوشبو قانون نینگ تصدیق‌لنیشی‌دن مقصد، عادی اهالی‌دن حمایت قیلیش و اولر نینگ عفت و مالی نی سقلش عنوان قیلگن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «بو قانون نینگ اجرا بولیشی بیلن اسلام امیرلیگی و اهالی اورته‌سیده‌گی فاصله اورته‌دن کیته‌دی، مظلوم یاشی پاک بوله‌دی و ظلم بولگن ییتیم‌لر و قشاق‌لر نینگ مال و عزت‌لری قیته بیریلیب و حفظ بوله‌دی. اهالی شکایتی نی تینگلش اوچون بو وزیرلیک‌ده بیر اورین‌باسرلیک قوریلگن که ۳ ریاستی بار.»
صدیق‌الله نینگ کوپه‌یتیریشیچه، بوندن آلدین اهالی‌دن حمایت قیلیش اوچون قانونی منبع یوقلیگی، اولر نینگ حبس گه آلینیش، جبری کوچ، کلتک‌لنیش، اولدیریش و مهاجرت قیلیش کبی هر قنده‌ی ظلم بیلن روپه‌ره بولیشلری گه سبب بولگن ایدی.
شکایت‌لر نی تینگلش قانونی حقیده، امر بالمعروف و نهی عن‌المنکر وزیرلیگی نینگ شکایت‌لر نی ترتیب‌لش و تینگلش بوییچه باشلیغی موساکلیم عاصم نینگ ایتیشیچه: «بو قانون نینگ بیر مقدمه‌سی، ۲ بولیمی و ۲۳ ماده‌سی بار. ماده‌لردن بیر قطاری‌ده ۵ فقره‌سی بار و بو قانون هم دری و هم پشتو گه دیر. بیرینچی ماده‌سی، اوشبو قانون اسلام امیرلیگی رهبری هبت‌الله آخوندزاده آرقه‌لی ۱۱۳ حکم اساسیده ترتیب بولگن. ایکینچی ماده‌سی، حکومتی اداره‌لر ایشلاوچیلری و مسئوللر خصوصیده اهالی شکایتی نی حل قیلیش اوچون زمینه نی برابر قیله‌دی.»
امر بالمعروف و نهی عن‌المنکر وزیرلیگی مسئوللری نینگ اورغولشیچه، شکایت‌لر نی تینگلش ینگی قانونی اساسیده، اهالی حکومتی اداره‌لر خصوصیده بولگن شکایت‌لری نی کتبی یا-ده شفاهی شکلده، مذکور وزیرلیککه تیگیشلی شکایت صندیغی یا-ده اوشبو وزیرلیککه تیگیشلی تیلیفون‌لر گه تیکین قونقیراغ‌لر یولی آرقه‌لی ثبت قیلیشلری ممکن.
بیزلرنینگ فیسبوک صحیفه‌میزگه باش اورینگ!
شونینگدیک مذکور وزیرلیک مسئوللری نینگ کوپه‌یتیریشلریچه، توپلنگن شکایت‌لر درست شکلده تیکشیریلیب و تحقیق بوله‌دی و حقی نی قولدن بیرگن یشاوچی ایسه، حقی نی قیته قولگه کیلتیریشی ممکن.
ایتیش کیره‌ک که، امر بالمعروف و نهی عن‌المنکر وزیرلیگی آماری اساسیده، ۱۴۰۲-ییل یالغیر کابل ده، حکومتی اداره‌لر خصوصیده ۴ مینگ‌دن آرتیق شکایت اوشبو وزیرلیک‌ده ثبت و حل بولگن.