خلق‌ارا ساغلیق‌نی سقلش تشکیلاتی، دنیا بویلب میمون چیچگی واقعه‌لری کوپه‌یشیدن خبر بیردی. خلق‌ارا ساغلیق‌نی سقلش تشکیلات باشلیغی تدروس آدهانوم گبریسوس، میمون چیچگی واقعه‌لرینی ساغلیک اضطراری وضعیت اعلام قیلیب و باشقه مملکت‌لر نینگ خلقی گه هم یولیقیشی ممکن دیب «فوق‌العاده واقعه» عنوان قیلگن.
خلق‌ارا ساغلیق‌نی سقلش تشکیلات باشلیغی نینگ ایتیشیچه، دنیا بویلب ۵۷ مملکتده ۱۶ مینگ میمون چیچگی مثبت واقعه‌لری رویخط گه آلینگن و حاضرگه قدر اوشبو ویروس گه چلینگن ۵ کیشی قربان بولگن.
اونینگ کوپه‌یتیریشیچه: «بیز کونسه‌یین ترقه‌لیب باره یاتگن ینگی ویروس گواهی میز و بوتوغریده آگاهی‌لیگیمیز جُدا هم آز دیر. شونی اوچون میمون چیچگی ترقه‌لیشینی اضطراری وضعیت اعلام قیلیش گه قرار قیلدیم.»
بیزلرنینگ فیسبوک صحیفه‌میزگه باش اورینگ!
عین‌حالده، ساغلیق‌نی سقلش وزیرلیگی، مملکت ده میمون چیچگی مثبت واقعه‌لری رویخط گه آلینیشینی رد قیلسه ده، بیراق افغانستان ده اوشبو ویروس ترقه‌لگن تقدیرده مذکور وزیرلیک نینگ چاره تدبیریدن خبر بیره‌دی.
ساغلیق‌نی سقلش وزیرلیگی سوزلاوچیسی شرافت زمان نینگ سلام‌وطندار گه ایتیشیچه: «مملکت ده‌گی واقعه‌لر مثبت ایمس بلکه گمانلنگن واقعه دیر. ساغلیق‌نی سقلش وزیرلیگی ولایتی حوزه‌لر گه ییترلیچه بویروغ‌لرنی بیرگن. ساغلیق‌نی سقلش وزیرلیگی تامانیدن بوتوغریده چاره تدبیر کوریلگن.»
میمون چیچگی ویروسی حقیده معلومات تاپیش و قنده‌ی‌لیگی حقیده شفاکارلر گه مراجعت قیلدیک.
شفاکارلر، عضلات آغریغی، ایستیمه، باش آغریق، بیل آغریق، چرچش و جلد یوزی ده آبله چیقیشینی، میمون چیچگی بیلگی‌لریدن عنوان قیله‌دیلر.
بیزلرنینگ توییترده هم تعقیب قیلینگ!
مذکور شفاکارلر گه کوره، اوشبو ویروس، کسل آدم‌لر باشقه کیشی بیلن علاقه قیلیش، عطسه اوروش و بیمار نینگ آبله‌لری گه قول اوروش آرقه‌لی انتقال تاپه‌دی.
میمون چیچگی ویروسی گه چلینگن‌لردن اوزاق توریش، طبی قاعده‌لرنی رعایت قیلیش، میمون چیچگی ویروسینی انتقال بیره‌دیگن حیوان‌لردن اوزاق توریش، میمون چیچگی ویروسینی آلدینی آلیش یگانه یول عنوان قیلینگن.
