بوگون (دوشنبه، ۲۴ دلو/۱۳ فبروری)، خلق‌ارا رادیو کونی گه ماس دیر. شو بیلن بیرگه، افغانستان ایرکین میدیالریدن حمایت قیلووچی نهاد (نی)، بیر بیانیه ترقه‌تیب ایتیشیچه، بو ییل خلق‌ارا رادیو کونی عین‌حالده نشانلنماقده که، افغانستان ده‌گی رادیولردن قریب یریمی غیرفعال بولگن.
نی گه کوره، رادیو تینگلاوچی میدیا اوله‌راق دنیا بویلب اینگ کوپ طرفداری بولگن میدیالردن سنله‌دی. نی نینگ بیانیه‌سیده کیلیشیچه: «افغانستان تخمیناً بیر قرن آلدین منطقه ده رادیو فعال قیلگن یگانه مملکت دیر، رادیو اوز وقتیده تفریحی و اطلاعاتی یگانه میدیا بولگن.»
بیزلرنینگ فیسبوک صحیفه‌میزگه باش اورینگ!
افغانستان ایرکین میدیالریدن حمایت قیلووچی نهاد نینگ کوپه‌یتیریشیچه، افغانستان ده اوتگن ایکی سنه ده قریب ۳۰۷ رادیو تأسیس ایتیلگن. «رادیو افغانستان ده اطلاعات و آگاهی‌لیک بیریش ده اساسی رول اوینب و کوپ سانده تینگلاوچیلرنی جذب قیلگن.»
نی گه کوره، بو ییل خلق‌ارا رادیو کونیدن عین‌حالده نشانلنماقده که، افغانستان ده اقتصادی قیینچیلیک و موجود وضعیت باعث ۴۸ فایز رادیو غیرفعال بولگن.
افغانستان ایرکین میدیالریدن حمایت قیلووچی نهاد نینگ معلوماتی گه بناً، افغانستان ده ۳۰۷ رادیو دن، حاضر ۱۷۰ دن کمراق رادیو فعال دیر.
بیزلرنینگ توییترده هم تعقیب قیلینگ!
ایتیش کیره‌ک که، اسلام امیرلیگی حاکمیتیدن کیین، اسلام امیرلیگی تامانیدن یره‌تیلگن چیکلاولر و اقتصادی قیینچیلیک باعث اونلب رادیو، تلویزیون و چاپی میدیا نینگ فعالیتی توخته‌ب ویوزلب خبرچی ایش‌سیز بولگن.
