خلق‌ارا آزیق_آوقات دستوری تشکیلاتی، سه‌شنبه کونی، ۸ حمل، اوز توییتری ده، افغانستان یشاوچیلری نیازلری بولگن یاردم‌لرینی قولگه کیریتمه‌گن تقدیرده، کیلگوسی کون‌لرده اوشبو مملکت ده ۹ میلیون کیشی آچ‌لیک خوفی بیلن دوچ بولیش‌لریدن آگاه‌لنتیرگن.
خلق‌ارا آزیق_آوقات دستوری باشلیغی دیوید بسلی گه کوره، دنیا جماعه‌چیلیگی حاضرگی قلتیس شرایط ده افغانستان خلقی برابری ده بی فرق بولمسلیگی کیره‌ک.
عین‌حالده، قشاق عایله‌لر، اقتصادی احوال‌لریدن نالیب ایتیشلریچه، قیین احوال بیلن تیریکچیلیک قیلماقده‌لر.
بیزلرنینگ فیسبوک صحیفه‌میزگه باش اورینگ!
کابل یشاوچیسی راشد نینگ ایتیشیچه: «کراچیم بار ایدی حاضر او هم باغلندی؛ کوپ قیینچیلیک بیلن دوچ میز، اوچ وقت آوقاتینی تاپه آلمه‌یپمیز، ایکی یا ده بیر وقت آوقاتلنه‌میز.»
شونینگدیک، نیمروز یشاوچیسی غلام‌نبی، اقتصادی احوالی دن نالیب ایتیشیچه، اوتگن بیر یریم ییل ده اولر گه هیچ بیر نهاد تامانیدن یاردم بیریلمه‌گن. اونگه کوره: «یاردم پولدار کیشی‌لر گه بیریله‌دی کمبغل کیشی‌لر گه بیریلمه‌یدی، منطقه‌میزده ۳۰۰ افغانی عوضی گه ایشله‌من، یالغیز قوریق نانیمیز بوله‌دی. باشقه‌لر گه بیش_آلتی مرته یاردم کورسه‌تیلدی، بیراق بیز حاضرگچه یاردم آلگنیمیز یوق.»
اقتصادی ایش بیلرمان‌لر، یاردم‌لر اساسی و عادلانه شکلده توزیع بولمسلیگینی، قشاق‌لر سانی کوپه‌یش یگانه عاملی عنوان قیله‌دیلر.
اقتصادی ایش بیلرمان آمنه هاشمی نینگ سلام‌وطندار گه ایتیشیچه: «افغانستان خلقی نینگ یریمی دن آرتیغی اقتصادی بحران بیلن دوچ دیه اویله‌ی من، بو قیینیچلیک‌لر نینگ اصلی عاملی یاردم‌لر صادق‌لیک بیلن توزیع بولمسلیگی دیر. شونینگدیک یاردم‌لر یخشی باشقریلمه‌یدی.»
باشقه تاماندن، اقتصاد وزیرلیگی سوزلاوچیسی عبدالرحمان حبیب گه کوره، اوشبو وزیرلیککه هم یاردم‌لر عادلانه توزیع بولمسلیگیدن شکایت بولگن. او نینگ کوپه‌یتیریشیچه: «یاردم بیرووچی تشکیلات‌لر و پروژه‌لر اوز پالیسی‌لری اساسیده عمل قیلیشه‌دی، یاردم‌لر صادق‌لیک بیلن توزیع بولمسلیگی خصوصیده بیز گه هم شکایت بولگن.»
بیزلرنینگ توییترده هم تعقیب قیلینگ!
اقتصاد وزیرلیگی سوزلاوچیسی، اولکه فقرالری ارا قشاق‌لر سانی کوپه‌یشینی، افغانستان نینگ سرمایه‌لری توسیلیشی و اوشبو مملکت ده ترقیاتی پروژه‌لر ایشی توخته‌تیلیشی عنوان قیله‌دی.
ایتیش کیره‌ک که، اسلام امیرلیگی حاکمیتیدن کیین، افغانستان بویلب کونسه‌یین قشاق‌لر سانی آشیب و انسان پرورلیک یاردم‌لر گه احتیاج کوپه‌یگن. بیرلشگن ملت‌لر تشکیلاتی نینگ معلوماتی اساسیده، حاضر افغانستان نینگ ۲۸ میلیون ۳۰۰ مینگ یشاوچیسی انسان پرورلیک یاردم گه محتاج دیر.
