خلق‌ارا ییتکیرمه‌لر نینگ معلوماتی اساسیده، اسرائیل حربی کوچلری اوتگن ییگیرمه ییل ده کرانه‌ی باختری گه قیلگن اینگ بویوک عملیات‌لریدن بیری ده، دوشنبه کونی، ۱۲ سرطان/۳ جولای، کرانه‌ی باختری جنین شهری گه هوایی هجوم قیلگن.
فلسطین رسمی‌لری و یشاوچیلری گه کوره، اسرائیل حربی کوچلری جنین شهری گه نیچه هوایی هجوم اویوشتیریب و نتیجه ده قطار بنالر بوزیلیب و یشاوچیلر نینگ اولیب و یره‌لنیشی گه سبب بولگن.
بیزلرنینگ فیسبوک صحیفه‌میزگه باش اورینگ!
فلسطین ساغلیق‌نی سقلش وزیرلیگی، اسرائیل حربی کوچلری نینگ اوشبو هجومی عاقبتیده کمیده سکیز کیشی هلاک بولیب و باشقه ۵۰ دن آرتیق کیشی یره‌لنگنینی معلوم قیلگن.
بوندن اول، میدیالر اسرائیل نینگ جنین شهری گه قیلگن هجومی عاقبتیده بیش کیشی هلاک بولیب و باشقه ۲۷ کیشی یره‌لنگنینی اعلام قیلگن ایدیلر.
فلسطین گه قوشیمچه، تورکیه، مصر، اردن کبی مملکت‌لر و اسلامی کنفرانس تشکیلاتی، اسرائیل حربی کوچلری نینگ جنین گه قیلکن هجومینی قتیق شکلده قاره له‌گنلر.
بیزلرنینگ توییترده هم تعقیب قیلینگ!
ایتیش کیره‌ک که، بیر ییل دن بویان اسرائیل حربی کوچلری نینگ جنین کبی شهرلر گه هجومی، عادتی حال گه اوزگرگن و خلق‌ارا تنقیدلر بیلن نتانیاهو دولتی اوشبو جریان گه همان دوام بیرماقده.
