دوشنبه کونی، ۱۸ ثور، اسلام امیرلیگی، چین و پاکستان تشقی ایشلر وزیرلری نینگ اوچ تامانلمه ییغیلیشی یکونیده ترقه‌لگن بیانیه ده کیلیشیچه، اوشبو ییغیلیش ده «سی‌پک» آتیده چین_پاکستان اقتصادی دهلیزی گه افغانستان نینگ قوشیلیشی بحث گه آلینگن.
بیانیه اساسیده، مذکور ییغیلیش ده افغانستان بیلن اقتصادی همکارلیک‌لر دوامی اهمیتی و تاپی، کاسا بیر مینگ و تیمیر یولی پروژه‌لری عملی بولیشی اوستیده تأکید ایتیلگن.
اوشبو ییغیلیش ده، پاکستان تشقی ایشلر وزیری بلاول‌بوتو زرداری و چین تشقی ایشلر وزیری چین گانگ، چین_پاکستان اقتصادی دهلیزی گه افغانستان نینگ قوشیلیشینی افغانستان بیلن اقتصادی همکارلیک‌لر دوامی عنوان قیلگنلر.
بیزلرنینگ فیسبوک صحیفه‌میزگه باش اورینگ!
افغانستان قنده‌ی ریجه‌لر بیلن چین_پاکستان اقتصادی دهلیزی گه قوشیلیشی خصوصیده مملکت تشقی ایشلر وزیرلیگی هیچ نرسه دیمه‌گن. اسلام امیرلیگی بوتوغریده ایضاح کیریتمسه ده، بیراق اوشبو پروژه گه قوشیلیش اوچون تیارگرلیگینی معلوم قیلگن.
اسلام امیرلیگی سوزلاوچیسی نینگ اورین باسرلریدن بلال کریمی نینگ سلام‌وطندار گه ایتیشیچه، مذکور پروژه گه قوشیلیش افغانستان اوچون اونملی دیر؛ چونکه بیر تاماندن تجارتی توارلر وارد قیلینیشی بیلن مملکت ده‌گی احتیاج‌لر حل بوله‌دی و باشقه تاماندن، ایچکی توارلر اوچون بازار تاپیله‌دی.
چین_پاکستان اقتصادی دهلیزی، چین نینگ ابتکارلریدن بیری دیر و چین اوشبو یول آرقه‌لی آسیا اولکه‌لری گه باغله‌نیشنی ایسته‌یدی.
اقتصادیات ایشلری بوییچه ایش بیلرمان‌لردن بیرقطای، افغانستان نینگ اوشبو اقتصادی دهلیز گه قوشیلیشینی مملکت منفعتی گه دیه بهاله‌یدیلر.
اقتصادی ایش بیلرمان ظاهر بهزاد نینگ ایتیشیچه، باشقه وقت‌لر گه نسبتن حاضر افغانستان نینگ مذکور پروژه گه قوشیلیشی اوچون زمینه یره‌تیلگن و چین_پاکستان اقتصادی دهلیزی افغانستان قوشیلیشی بیلن قرمز اژدها اقتصادی کمربند گه مملکت نینگ قوشیلیشی گه زمینه یره‌تیشی ممکن.
بیزلرنینگ توییترده هم تعقیب قیلینگ!
شو بیلن بیرگه، سیاسی مسئله‌لر ایش بیلرمانی طارق فرهادی گه کوره، افغانستان نینگ «سی‌پک» پروژه‌سی گه قوشیلیشی یالغیز سیاسی بیر شعار دیر؛ چونکه اوشبو بیانیه ده جزئیاتی حقیده بحث ایتیلمه‌گن. اونینگ ایشانچی گه کوره، چین افغانستان ده همه شمول حکومت شکللنمه‌گونچه اوشبو مملکت ده سرمایه یاتقیزمسلیگینی ایتگن؛ شونی اوچون تشقی ایشلر وزیرلیگی نینگ بیانیه‌سیده جزئیات حقیده ایضاح کیریتیلمه‌گن.
چین_پاکستان اقتصادی و ترانزیتی پروژه‌لری شامل «سی‌پک» آتیده‌گی ۶۵ میلیارددالرلیک پروژه نینگ عملی ایشی، میلادی ۲۰۱۵_ییل ده باشلنگن.