تخار ولایتی دشت‌قلعه تومنی گه پاکستان طالبلر تحریکی نینگ ۳۲۰ اعضاسی انتقال بیریلیشی گه دایر ترقه‌‌لگن گزارش‌لردن کیین، اسلام امیرلیگی سوزلاوچیسی ذبیح‌الله مجاهد، اوشبو گزارش‌لرنی اساس‌سیز دیب ایتیشیچه، پاکستان نینگ خواطری گه سبب بولگن مذکور مملکت چیگره حدودلریده‌گی یالغیز پاکستان‌لیک مهاجرلر باشقه ولایت‌لر گه انتقال بیریله‌دی.
اسلام امیرلیگی سوزلاوچیسی نینگ کوپه‌یتیریشیچه: «پاکستان تامان خواطرده بولگنی صورت‌ده، مذکور کیشی‌لر نی باشقه ولایت‌لر گه انتقال بیریلیشی ممکن و افغانستان چیگره‌سیده پاکستان مهاجرلری سانی قریب ۷-۸ مینگ دیر که برچه‌سی نینگ باشقه ولایت‌لر گه انتقال بیریلیشی کیره‌ک.»
بیزلرنینگ فیسبوک صحیفه‌میزگه باش اورینگ!
عین حالده، پاکستان رسمی‌لری دایم اوشبو مملکت کوچلری گه اویوشتیریلگن هجوم‌لر، افغانستان ده‌گی پاکستان‌لیک طالبلر آرقلی تشکیل قیلینیشی نی ادعا قیلگنلر.
جاری ییل ۲۲-جوزا پاکستان تشقی ایشلر وزیری بلاول بوتو زرداری، سونگی کون‌لر پاکستان ده ناتینچ‌لیک و ترورچیلیک واقعه‌لر کوپه‌یگن و اوشبو واقعه‌لردن کوپینچه‌سی نینگ سببی، پاکستان‌لیک طالبلر تحریکی بولگنی نی ایتگن دیر.
اونگه کوره، پاکستان‌لیک طالبلر، پاکستان گه هجوم قیلیش اوچون افغانستان توپراغی‌دن قوللنه‌دیلر که؛ اوشبو ادعالر نی دایم اسلام امیرلیگی کوچلری رد قیلگن دیر.
حربی ایش بیلرمان عزیز استانکزی افغانستان ده پاکستان‌لیک طالبلر حضوری نی تصدیق‌لب ایتیشیچه، اوشبو خواطرلر نی حل قیلیش اوچون پاکستان دولتی و اسلام امیرلیگی قوشمه استخباراتی همکار‌لیک‌لری بولیشی کیره‌ک.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «رد قیله آلمه‌یمیز حتما افغانستان ده حضوری بار قریب ۲۰۰۰ کیلومتر سرحدی‌میز بار. انه شوو فرضی چیزیق نینگ برچه‌سی نی کنترول بولیشی و بو تامان گه اوروش قیله‌دیگن کیشی‌لر نینگ کیریشی امکان‌سیز.»
ایتیش کیره‌ک که، اوتگن ییل پاکستان دولتی و پاکستان‌لیک طالبلر، اسلام امیرلیگی نینگ ایچکی ایشلر وزیرلیگی سرپرستی سراج‌الدین حقانی نینگ واسطه‌چیلیگی بیلن، بیر قنچه مدت‌گچه آتش کیسین قیلگن ایدیلر؛ بیراق نیچه مدت‌دن بویان اولر آره‌سیده ینه هم اوروش‌لر قیته باشلنگن دیر.
