پکتیا ده‌گی دولتی بیر منبع، اسمی سِر قالیش شرطی بیلن سلام‌وطندار گه ایتیشیچه، بوگون عصر چاغی (شنبه، ۲۸ عقرب)، ساعت ۳:۳۰ اطرافیده مذکور ولایت نینگ دندپتان تومنی دیورند چیزیغی حدودلری «خرلاسی» دروازه‌سیده، اسلام امیرلیگی کوچلری و پاکستان حربی‌لری آره‌سیده توقنشوو یوز بیرگن.
منبع نینگ کوپه‌یتیریشیچه، اسلام امیرلیگی کوچلری «خرلاسی» ایشیگیده خوفسیزلیک بیر پوسته قوریش چاغیده، پاکستان حربی کوچلری اولر گه قره‌ته اوق آتگن و اسلام امیرلیگی کوچلری هم اولر نینگ اوق آتیش‌لری گه جواب هجوم قیلگنلر.
بیزلرنینگ فیسبوک صحیفه‌میزگه باش اورینگ!
منبع نینگ معلوماتی اساسیده، اسلام امیرلیگی کوچلری پاکستان حربی‌لری نینگ اوچ پوسته‌سینی اوققه توتگنلر؛ لیکن مذکور مملکت حربی کوچلری نینگ تلفاتی حقیده معلومات بیریلمه‌گن.
منبع نینگ کوپه‌یتیریشیچه، اوشبو توقنشووده اسلام امیرلیگی کوچلری گه ضرر ییتمه‌گن. منبع گه کوره، حاضر هم ایکی تامان ارا توقنشوو دوام ایتماقده.
عین‌حالده، پکتیا حاکمی سوزلاوچیسی آدم‌خان اوریاخیل نینگ سلام‌وطندار گه ایتیشیچه، بوگون عصر چاغی خرلاسی ساحه‌سیده چیگره او تامانی باره‌دیگن یولاوچیلر پاکستان حربی‌لری تامانیدن اوققه توتیلگن.
پکتیا حاکمی سوزلاوچیسی گه کوره، توقنشوو قریب یریم ساعت دوام ایتیب و نتیجه ده کیمسه گه زیان ییتمه‌گن. اونینگ کوپه‌یتیریشیچه حاضر وضعیت نورمال دیر.
بیزلرنینگ توییترده هم تعقیب قیلینگ!
عین‌حالده اوتگن هفته سه‌شنبه کونی، ۲۴ عقرب، عصر چاغی، اوشبو منطقه ده اسلام امیرلیگی کوچلری و پاکستان حربی‌لری آره‌سیده توقنشوو یوز بیرگن ایدی.
ایتیش کیره‌ک که بوندن آلدین، مذکور تومنده اسلام امیرلیگی کوچلری و پاکستان حربی‌لری توقنشگندیلر.