اسلام امیرلیگی سوو و برق وزیرلیگی، شنبه کونی، ۲۰-عقرب، اوز ایکس صحیفه‌سیده، اوشبو وزیرلیک سرپرستی تهران گه سفر قیلگنیدن خبر بیرگن.
افغانستان اسلام امیرلیگی باش وزیری نینگ اقتصادی اورین باسری ایران گه قیلگن سفری دن کیین، سوو و برق وزیرلیگی عبداللطیف منصور بیر هیئت ییتکچیلیگیده ایران گه سفر قیلگن.
بیزلرنینگ فیسبوک صحیفه‌میزگه باش اورینگ!
منصور جنابلری اوشبو سفری دایره‌سیده، ایران رسمی‌لری بیلن برق قراردادی، برق مناسب تعرفه‌سینی تعیینلش و باشقه مسئله‌لرنی بحث گه آلیشی کوتیله‌دی.
اسلام امیرلیگی سوو و برق وزیرلیگی نینگ سرپرستی ایران رسمی‌لری بیلن ملاقات قیلیشی گه قوشیمچه، بوگون تهران ده ایران نینگ برق صناعتی کورگزمه‌سی آچیلیش مراسمی ده اشتراک قیلیشی کوتیله‌دی.
بیزلرنینگ «ایکس» ترماغی ده هم تعقیب قیلینگ!
عین‌حالده، اسلام امیرلیگی باش وزیری نینگ اقتصادی اورین باسری عبدالغنی برادر، ایران گه قیلگن سفری‌ده اوشبو مملکت رسمی‌لری بیلن اوچره‌شیب، فسیلی و قیته تیکلنه‌دیگن انرژی‌لردن برق ایشلب چیقریش اوچون تخنیکی بولیم‌لرده ایران نینگ همکارلیک قیلیشی نی ایسته‌گن. مذکور اوچره‌شوولرده، ایکی تامان اقتصادی، سیاسی و امنیتی ساحه‌ده قوشنی همکارلیک‌لر گه تاکید قیلگنلر.
