اسلام امیرلیگی نینگ آمو دریا اطرافی تخریب‌لرینی تیکشیریش اوچون یوللـه‌گن هیئتی گه کوره، آمو دریا اطرافی تخریب‌لرینی آلدینی آلیش و دریا قیرغاغ‌لرینی مستحکم‌لش، اسلام امیرلیگی توانیدن یوقاری دیر.
ایکینچیلیک، سوغاریش و چاروه‌چیلیک وزیری عطاءالله عمری، آمو دریا اطرافی ده فاجعه یوز بیریشیدن آگاه‌لنتیریب و خلق‌ارا تشکیلات‌لردن افغانستان تامانیده آمو دریا تخریب‌لرینی آلدینی آلیش و قیرغاغ‌لرینی مستحکم‌لش اوچون یاردم بیریش‌لرینی طلب قیلگن.
بیزلرنینگ فیسبوک صحیفه‌میزگه باش اورینگ!
عطاءالله عمری نینگ ایتیشیچه: «بو ییرده بشری فاجعه یوز بیریشی ممکن، بو اسلام امیرلیگی توانیدن یوقاری دیر، شونی اوچون خلق‌ارا تشکیلات‌لردن بوتوغریده همکارلیک قیلیش‌لرینی ایسته‌یمیز.»
قطار وزیرلیک‌لر نینگ ایشلاوچیلریدن تشکیل ایتیلگن اسلام امیرلیگی نینگ اوشبو هیئتی گه کوره، آمو دریا اطرافینی مستحکم‌لش اوچون آلتی میلیارد افغانی کیره‌ک دیر.
سوو و برق وزیرلیگی نینگ معینی مجیب‌الرحمان عمر نینگ ایتیشیچه: «بیز آلتی میلیارد افغانی تخمین ایتدیک، اوشبو پول نینگ ایکی میلیاردی عاجل کیره‌ک، بو اسلام امیرلیگی توانیدن یوقاری دیر.»
مذکور هیئت نینگ معلوماتی اساسیده، آمو دریا قیرغاغ‌لری کوپ ساحه‌لریده افغانستان تامانیدن ۲۵ کیلومترنی سوو آلیب کیتگن، نتیجه ده یوزلب یشش اوی، مکتب، مسجد و مدرسه‌لر یوق بولیب و آمو دریا اطرافی ده یشه‌یدیگن مینگلب انسان آواره بولگن.
مسئوللر نینگ ایتیشلریچه، حاضر آمو دریا اطرافی ده یشه‌یدیگن عایله‌لردن قطاری، سوو تخریبی تهدیدی بیلن روپه‌ره دیر.
بیزلرنینگ توییترده هم تعقیب قیلینگ!
کان‌لر و پترولیم وزیرلیگی نینگ معینی ضیاالرحمان آریوبی گه کوره، افغانستان نینگ طبیعی منبع‌لریدن بیر بولیمی، آمو دریا تخریب‌لری خطری بیلن دوچ دیر.
ضیاالرحمان آریوبی نینگ کوپه‌یتیریشیچه: «آمو دریا اطرافی ده آلتین بویوک کانی موجود، تخمیناً ۳۰ تُن آلتین ظرفیتی گه ایگه دیر و اوشبو کان نی آمو دریا تخریبی تهدید قیلماقده.»
ایتیش کیره‌ک که، اسلام امیرلیگی آمو دریا تخریب‌لرینی آلدینی آلیش مقصدیده قریب ۵۰ میلیون افغانی اختصاص بیرگن.
