سۉنگی اوچ ییل‌دن کوپراق‌ده اسلام امیرلیگی و پاکستان مناسبتی ایریم قیینچیلیک‌لر بیلن روپه‌ره بولگن بولسه‌ده، بیراق اسلام امیرلیگی سۉزلاوچیسی ذبیح‌الله مجاهد، کابل و اسلام‌آباد اۉرته‌سیده سیاسی، سودا و فرهنگی مناسبت یخشی اېکنینی اېتگن.
اسلام امیرلیگی حاکمیت گه ایریشی و پاکستان استخبارات باشلیغی اسلام امیرلیگی‌نینگ دستلبکی کونلریده افغانستان گه سفر قیلیشیدن سۉنگ، اسلام امیرلیگی و پاکستان اۉرته‌سیده‌گی مناسبت یخشی بولیش اوچون امیدوارلیکلر کوپه‌یگن اېدی؛ بیراق اوچ ییل‌دن بیری پاکستان حربی و ملکی رسمی‌لری نیچه مراتبه بو مملکت افغانستان توپراغی تامانیدن تهدید بولیشینی ادعا قیلگنلر.
بیزلرنینگ فیسبوک صحیفه‌میزگه باش اورینگ!
پاکستان افغانستان‌لیک قاچقینلر و صادراتی توارلری گه ایریم قیینچیلیک یره‌تگن بولسه‌ده، بیراق اسلام‌آبادده افغانستان ایلچیخانه‌سی سرپرستی سردار احمد شکیب، اوتگن کون پاکستان تشقی ایشلر وزیری محمداسحاق‌دار بیلن اوچره‌شیب و ایکّی تامانلمه مناسبت‌لر مستحکم‌لنیش مسئله‌سینی بحث گه آلگنلر.
پاکستان تشقی ایشلر وزیرلیگی بوگون (۲۰، قوس، سه‌شنبه) بو مملکت تشقی ایشلر وزیری محمداسحاق‌دار، اسلام‌آبادده افغانستان ایلچیخانه‌سی سرپرستی بیلن اوچره‌شیب و ایکّی تامانلمه مناسبت‌لر مستحکم‌لنیش اوستیگه تأکید اېتگنینی معلوم قیلگن.
باشقه تاماندن، سیاسی ایش بیلرمانلردن بیرقطاری‌نینگ ایتیشلریچه، پاکستان هردایم افغانستان برابریده ایکّی تور سیاست اوینه‌گن. اولر گه کوره، اسلام امیرلیگی حاکمیت گه ایریشی بیلن، ایکّی مملکت مناسبتی مستحکم‌لنیشی کوتیلردی؛ بیراق افغانستان‌ده پاکستان‌لیک طالبلر تحریکی اعضالری بارلیگی، افغانستان‌لیک قاچقینلر و چېگره‌ده‌گی کېسکین‌لیک طفیلی، کابل و اسلام‌آباد مناسبتی ضعیف بولگن.
بیزلرنینگ «ایکس» ترماغی ده هم تعقیب قیلینگ!
سیاسی ایش بیلرمانلردن باشقه بیری بکتاش سعیدی‌نینگ ایشانچی گه کوره، پاکستان و افغانستان مناسبتی همکارلیک حدی ده بولسه‌ده، بیراق ایکّی مملکت مناسبتی مستحکم‌لنیشی ایکّی تامان منفعتی گه دیر.
افغانستان و پاکستان اوزاق چېگره‌سی همده فرهنگی و مذهبی قۉشمه مشترکی بولسه‌ده، انچه ییل‌دن بیری اقتصادی و سیاسی کېسکین‌لیکنی تجربه قیلیب کېلگن.
