قندهارده «ملت غژ» محلی رادیوسی مسئوللری نینگ ایتیشلرچه، اسلامی امارت استخبارات کوچلری اوشبو رادیو اداره‌سی‌گه هجوم قیلیب مذکور رادیو خادم‌لریدن ۳ ته‌سینی قولگه آلگن‌لر.
ملت غژ محلی رادیوسی رئیسی بسم‌الله وطن‌دوست نینگ سلام‌وطندارگه ایتیشیچه، اسلامی امارت استخبارت کوچلری اوشبو رسانه ایشلاوچیلریدن ۳ ته‌سینی حبس گه آلیب و مذکور رسانه ایشیگینی یاپگنلر.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، قندهار محلی رسانه‌لر مسئوللری نینگ ایتیشلریچه، اوتگن کون اسلامی امارت کوچلری اوشبو رسانه‌لر مسئوللرینی استخبارات ریاستی گه چقریب، قیسی شکلده نشرات بیریشلری اوچون کورستمه ارایه قیلگن دیر.
اولرنینگ ایتیشلریچه، اسلامی امارت استخبارات کوچلری رسانه‌لردن موسیقی نشر قیلمه‌یشلرینی سوره‌ب، ایتگن دیر که موسیقی نشر قیلینگن صورتده، کیسکین یانده‌شیله‌دی.
محلی رسانه‌لر مسئوللری گه کوره، بو قرار یالغیز قندهار ولایتی‌ده آلینگن دیر.عین‌حالده، اسلامی امارت اوتگن کون افغانستانده خلق‌ارا رسانه‌لر نینگ نشراتینی توخته‌دی.
اسلامی امارت معلومات ومدنیت وزیرلیگی رسانه‌لر نشراتینی تیکشیریش مسئولی عبدالحق حماد نینگ سلام وطندارگه ایتیشیچه، بو قرار «مملکت افغانی و اسلامی فرهنگی رعایت ایتیلمه‌گنی سبب» آلینگن دیر.
اونینگ کوپه‌یتیریشیچه، اسلامی امارت نینگ خلق‌ارا رسانه‌لر برنامه‌لری صفتی قنده‌ی لیگی توغریسیده قیین‌چیلیگی یوق، بیراق تلویزیونی دستورلرده اسلامی و افغانی کلتور نظرده توتیلیشی کیره‌ک.
افغانستانده اسلامی امارت حاکم بولگندن کیین، مملکت مدیالری برابریده کوپینچه چیکلاولر یره‌تگن دیر.
وقتینچه‌لیک حکومت رسانه‌لرده کورستمه‌لرارایه قیلیب اولردن اسلامی شریعت‌گه قرشی فعالیت قیلمس‌لیکلرینی طلب قیلنگن.
شونده‌ی بیرحالده، ژورنالیست‌لر و رسانه‌لر فدراسیونی اوتکن ییل حوت آیی‌ده افغانستانده اسلامی امارت حاکم بولگن دن بویان رسانه‌لر فعالیتی قنده‌یلگی توغریسیده‌گی نظر سوره‌ش نتیجه‌سینی اعلان قیلدی.
بیزلرنینگ توییترده هم تعقیب قیلینگ!
اوشبو نظر سوره‌ش‌ده خبرچیلر و رسانه‌لر ایشلاوچیلریدن ۹۰ فایزی نینگ ایتیشلریچه، اسلامی امارت حاکم بولگندن کیین رسانه‌لر نشراتی سانسور آستیده قرار تاپگن بو جمله‌دن ۴۴ فایز بوتکول و ۴۶ فایزی قسمی شکلده رسانه‌لر برنامه‌لری سانسور آستیگه قرار تاپگن دیگن ایدیلر.
