میدیا ایشلاوچیلری و خبرچیلردن قطاری نینگ ایتیشلریچه، ایشلری نی قولدن بیریش بیلن، عایله خره‌جتی نی تامین‌لش اوچون باشقه ایشلر گه یوز کیلتیریش گه مجبور بولگنلر.
میدیالرده ۱۰ ییل‌لیک ایش تجربه‌سیگه ایگه بولگن محمد‌حسن شیرزاد نینگ ایتیشیچه، جمهوریت توزومی نینگ قولشی و ایشی نی قولدن بیرگنی‌دن کیین، کابل شهریده تکسی هیده‌ش گه مجبور بولگن.
اونینگ کوپه‌یتیریشیچه: «تورلی میدیالر جمله‌دن آریانا رادیو-تلویزیونی، رادیو کلید، رادیو تمنا، آیینه، طلوع و تورکیه آنادولو آژانسی بیلن ایشلگن‌مین و شونینگدیک گزارشلریم بی‌بی‌سی‌ده هم ترقه‌تیلگن. توزوم نینگ قولشی‌دن کیین، ایران گه کیتیش گه مجبور بولدیم و او ییرده هم ۸ آی قالدیم و قیته افغانستان گه کیلدیم. آلتی آیدن بیری هر قنده‌ی شاقه ایشلر نی انجام بیره‌من و حاضر ایسه تکسی هیده‌یمن.»
بیزلرنینگ فیسبوک صحیفه‌میزگه باش اورینگ!
شیرزاد، ینه بیر مرته میدیالردن بیریده خبرچی صفتیده چیقیش نی ایسته‌یدی. «بوگون اولکه‌مده‌مین. ینه بیر مرته میدیالرده خبرچی صفتیده چیقیش نی ایسته‌یمن. هیداوچیلیک جریانیده نیچه مرته حادثه قیلدیم، چونکه بو مینی ایشیم ایمس.»
شونینگدیک ایران ده ایشلاوچیلیک قیله‌دیگن خبرچیلردن باشقه بیری موسا تلاش نینگ ایتیشیچه، خبرچیلیک ایشی نی قولدن بیریشدن کیین، عایله نیازلری نی تامین‌لش اوچون کابل شهریده میوه مارکیت‌لریدن بیریده ایشلاوچیلیک قیلیش گه محبور بولگن، بیراق اوشبو ایش‌دن قولگه کیلتیرگنی عاید، اونینگ حیات نیازلری خصوصیده ییترلی بولمه‌گن.
اونینگ کوپه‌یتیریشیچه: «ایش‌سیز بولگنیم پیتده، عایله خره‌جتی نی تامین‌لش اوچون قیین ایشلر نی انجام بیریش گه مجبور بولدیم. کابل ده تورلی‌خیل ایشلر نی انجام بیردیم. دکاندارلیک‌دن باشلب میوه مارکیتی‌ده ایشلاوچیلیککه قدر هر ایش نی انجام بیردیم. شونینگدیک نیچه میدیا گه سی‌وی‌م نی بیردیم، بیراق هیچ کیم سیسی‌میز نی ایشیتمه‌دی. شونچه ایش تجربه‌سی گه ایگه بولگنیم بیلن، بیراق هیچ کیم حتی ایش اورگنووچی صفتیده هم ایش گه آلمه‌دی که، انه شوو سبب ایران گه کیلدیم.»
موسا تلاش، آخرگی مرته آیینه تلویزیونی ترماغیده خبرچی صفتیده ایش قیله‌ر ایکن و اوشبو تلویزیون فعالیتی توخته‌گنی‌دن کیین، خبرچیلیک ایشی‌دن اوزاق بولگن.
شونده‌ی بیرحالده، کابل شهریده میوه مارکیتی‌ده ایشلاوچیلیک قیله‌دیگن خبرچیلردن بیری احمد‌ضیا سعیدی نینگ ایتیشیچه، یامان اقتصادی وضعیت، بو ایش گه یوز کیلتیریشی گه سبب بولگن.
سعیدی نینگ کوپه‌یتیریشیچه: «مشعل آیینه و ملی تلویزیونی‌ده ایشله‌ر ایدیم، بیراق اسلام امیرلیگی نینگ قدرت گه ایریشگنیدن کیین، مارکیت ده ایشله‌یمن. بیر قطار ییرلر گه ایش اوچون تلاش قیلدیم، بیراق حاضرگچه ایش تاپه آلگنیم یوق. اقتصادی وضعیتی‌میز هم یخشی ایمس.»
بیزلرنینگ توییترده هم تعقیب قیلینگ!
عین حالده، ایرکین میدیالردن حمایت قیلووچی نهاد (نی) مسئولی ظریف کریمی نینگ ایتیشیچه، قریب ایکی ییل جریانیده ۵۰ فایز‌دن آرتیق میدیالر فعالیتی توخته‌یشی، خبرچیلردن کوپ قطاری نینگ ایش‌سیز بولیشی گه سبب بولگن.
جناب کریمی نینگ ایتیشیچه: «قیغو بیلن شاقه ایشلر بیلن شغللنگن خبرچیلردن دقیق بیر آمار قولده یوق؛ بیراق خبرچیلردن حمایت قیلووچی نهاد اساسیده، اوتگن ایکی ییل جریانیده خبرچیلردن کوپ قطاری ایش‌سیز بولگن و سببی ایسه افغانستان ده ۵۰ فایز‌دن آرتیق تورلی میدیالر فعالیتی توخته‌گنی و میدیالر نینگ یامان مالی وضعیتی دیر.»
نی نینگ آماری اساسیده، ۲۰۲۰-ییل نینگ آخری‌گچه افغانستان ده قریب ۱۲ مینگ میدیا ایشلاوچیلری و خبرچیلری نینگ فیزیکی حضوری و فعالیتی بار ایدی؛ بیراق جمهوریت توزومی نینگ قولشی‌دن کیین، ۶۵ فایز‌دن آرتیق ایرکک خبرچی و میدیا ایشلاوچیسی و ۹۰ فایز عیال خبرچی و میدیا ایشلاوچیسی ایسه ایشلری نی قولدن بیرگن.
