بیرلشگن ملت‌لر تشکیلاتی نینگ قاچقینچیلر ایشلری بوییچه عالی کمیشنری توییتری‌ده یازیشیچه، افغان‌لر ییگولیک ماده تنقیص‌لیگی بیلن روپه‌رو بولگن‌لر. شونینگدیک اوشبو نهاد نینگ گزارشی اساسیده، مکتب اوقووچی باله‌لردن کوپینچه‌سی عایله‌لریدن حمایت قیلیش اوچون مکتب‌لرینی ترک قیلیش گه مجبور بولگن‌لر.
عین‌حالده، کابل‌ده‌گی بیرقطار ایشچی باله‌لر نینگ ایتیشلریچه، عایله‌لری نینگ اقتصادی قیینچیلیگی باعث مکتب‌لرینی ترک ایتیشگه مجبور بولگن‌لر. اولر سلام‌وطندار بیلن اوتکزگن صحبت‌لریده، مکتب‌لرینی ترک ایتیش یگانه عامل عایله‌لری نینگ اقتصادی قیینچیلیگی عنوان قیلیشگن. ایشچی باله‌لر اسلامی امارت‌دن، قیته‌دن مکتب‌لری گه باریش اوچون اولر گه دقت قیلیش‌لرینی طلب قیله‌دیلر.
بیزلرنینگ فیسبوک صحیفه‌میزگه باش اورینگ!
عبدالشکور اسملی ایشچی باله‌لردن بیری نینگ سلام‌وطندارگه ایتیشیچه: «ایش یوق‌لیگی اوچون مکتب بارمه‌ی من، عایلم یخشی احوال‌ده ایمس، اوی‌ده پول یوق، اوی‌ده هیچ نرسه یوق.»
ایشچی باله‌لردن باشقه بیری رامش نینگ سلام‌وطندارگه ایتیشیچه: «عایلم نینگ اقتصادی یخشی ایمس، آتم کسل و حاضر اوزیم ایشله‌ی من. بیز تحصیل قیلیب و مکتب باریشنی ایسته‌یمیز.»
شونده‌ی بیرحالده، خصوصی مکتب‌لر مسوللریدن قطاری نینگ ایتیشلریچه، مملکت‌ده‌گی سونگی اوزگریش‌لر، کوپینچه اوقووچیلر نینگ عایله‌لرینی اقتصادی قیینچیلیک بیلن روپه‌رو قیلگن. کابل شهری‌ده خصوصی مکتب‌لردن بیری نینگ مدیری عتیق‌الله صادقی نینگ سلام‌وطندارگه ایتیشیچه، اوقووچیلرعایله‌لری نینگ اقتصادی قیینچیلیگی سبب کوپیچه اوقووچیلرینی قولدن بیرگنلر.
جناب صادقی گه کوره: «درآمدلر قویی کیلگن، معاش‌لر وقتیده توللنمه‌یدی و عایله‌لری اقتصادی معما باعث فرزندلری نینگ فیس‌لرینی توللـه‌ی آلمه‌دیلر. شونی اوچون اکثر اوقووچیلرنی قولدن بیردیک.»
باشقه تاماندن اسلامی امارت اقتصاد وزیرلیگی مسئوللری نینگ ایتیشلریچه، دنیاجماعه‌چیلیگی نینگ یاردم‌لری کیسیلیشی و ترقیاتی پروژه‌لر توخته‌لیشی، افغانستانده عایله‌لر نینگ اقتصادی وضعیتی اوستیگه سلبی تاثیر قیلگن.
بیزلرنینگ توییترده هم تعقیب قیلینگ!
اسلامی امارت اقتصاد وزیرلیگی نینگ سوزلاوچیسی عبدالرحمن حبیب نینگ ایتیشیچه، اولرعایله‌لر نینگ اقتصادی وضعیتی یخشی‌لنیشی اوچون جاری ییلده، آست قورمه بویوک پروژه‌لرنی باشله‌گن‌لر.
ایتیش کیره‌ک که، مملکت‌ده اسلامی امارت حاکم بولگنیدن کیین، دنیا جماعه‌سی و بیرلشگن ملت‌لر تشکیلاتی نیچه مراتبه افغانستانده بشری و اقتصادی بحران کوچه‌یشیدن آگاه‌لنتیرگن‌لر. عین‌حالده، خلق‌ارا آزیق-آوقت دستوری، افغانستان بویلب ۲۳ میلیون کیشی ییگولیک ماده‌گه احتیاجی بارلیگینی ایتگن.