ایران ېنه بیر مرته، بو مملکتدن افغانستانلیک بوتون ناقانونی قاچقینلر چیقریلیشینی بیلدیرگن.
ایران ایچکی ایشلر وزیرلیگینینگ یشاوچیلر ایشلری بوییچه باش مدیری نادر یاراحمدی، مذکور مملکت ایسنا آژانسی بیلن اوتکزگن صحبتیده، قویاش ۱۴۰۴-ییلدن باشلب، بو مملکتدن افغانستانلیک بوتون ناقانونی قاچقینلر چیقریلیب و برچه امکانیتلردن محروم اېتیلیشلرینی معلوم قیلگن.
اونینگ کوپهیتیریشیچه: «حاضرگی کونده ناقانونی قاچقینلر و حتا قانونی حجتلری بولگنلرنینگ اۉز اېستهگی بیلن افغانستان گه قیتریش اوچون سعی-حرکت قیلهیپمیز. چیت ایل مملکتلرنینگ قانونی حجتی بولگن بوتون فقرالری بو مرکزنینگ سیاستی و ریجهلریگه عمل قیلیب بوتوغریده همکارلیک قیلیشلری کېرهک.»
نادریار احمدینینگ کوپهیتیریشیچه، تعیینلنگن مهلتدن باشلب ایرانده فقط آلتی تور افغانستانلیک قاچقین قالیشلری ممکن.
بیزلرنینگ فیسبوک صحیفهمیزگه باش اورینگ!
اونگه کوره، بیرینچی گروه گه ایر-خاتینلردن بیری اهالینی رویخط گه آلیش کارتی بولگنلر، ایکّینچی گروه گه اۉزلری و فرزندلری اهالینی رویخط گه آلیش کارتی بولگنلر و اوچینچی گروه گه هم ایشانچلی پاسپورت و ویزهلری بولگنلر کېرهدی.
ایران ایچکی ایشلر وزیرلیگی اوشبو مقامینینگ ایتیشیچه، تورتینچی گروه گه ایش کیملیگی یا کارتی بولگنلر کېرهدی. افغانستان سابق دولتی توزومیده دولت خادمی یا-ده نظامی بولگنلر بیشینچی گروه گه کېرهدی و نهایت ایرانده قالهدیگن آلتینچی گروه، ایشانچلی پاسپورتی بولیب و اۉزلرینی قانونی قیلهدیگنلردن عبارت دیر.
شو بیلن بیرگه، ایرانده افغانستانلیک ناقانونی قاچقینلردن بیرقطاری، بو مملکتدن جبری چیقریلیشلریدن خواطر بیلدیریب و افغانستانده ایش امکانیتلری یوقلیگینی اېتهدیلر.
بیزلرنینگ «ایکس» ترماغی ده هم تعقیب قیلینگ!
ایرانده افغانستانلیک قاچقین مرسلین عمرینینگ سلاموطندار گه ایتیشیچه: «افغانستانده ایشسیزلیک و باشقه معمالر بار، ایش امکانیتی یرهتیلگن حالده، بوتون قاچقینلر مملکت گه قیتهدیلر؛ اقتصادی قیینچیلیک باعث عایله احتیاجلرینی تأمینلش اوچون باشقه مملکتلر گه بدرغه بولهمیز.»
شونینگدیک، ایرانده افغانستانلیک قاچقین فرخنده هاشمی گه کوره: «بو ییرده هم کوپ قیینچیلیک بیلن حیات کیچیریب کېلهیپمیز؛ بیکارمیز ایکّی-اوچ جایگه باریب تیکووچیلیک قیلدیک پولیمیزنی بیرمهدیلر ایش و اوی-جاییمیز یوق بالهلریمیز مکتب باره آلمهیدیلر، تشقری چیققن حالده پولیس توختهدی، افغانستانده هم ایش یوق.»
قاچقینلر وزیرلیگی، ایران دولتی و باشقه قۉشنی مملکتلردن افغانستانلیک قاچقینلرنی جبری چیقرمسلیکلرینی سورهیدی. مذکور وزیرلیکنینگ ایتیشیچه، قاچقینلر مملکت گه قیتیشی اوچون تیارگرلیک کوریب و بعضی امکانیتلر یرهتیلگن.
بو وزیرلیک سۉزلاوچیسی عبدالمطلب حقانی گه کوره: «ایران شامل قۉشنی بوتون مملکتلر بیلن علاقهدهمیز و قاچقینلرنینگ قیینچیلیگینی اولر بیلن شریک قیلیب و اولردن قاچقینلرنی جبری طرزده چیقرمسلیکلرینی اېستهگن میز؛ بو ییرده تیارگرلیک کوریلیب و کمیته ایجاد بولگن، ایش و اوی کبی بوتون امکانیتلر نظر گه آلینگن.»
بوندن آلدین، قاچقینلر وزیرلیگی سرپرستی ایران و پاکستان ایلچیلری بیلن اوچرهشووده، مذکور ایکّی مملکتدن ریجه اساسیده افغانستانلیک قاچقینلرنی مملکت گه قیتریشلرینی سورهگن.
