ایران سپاه پاسداران، ینگی هجوملریده کویت ده امریکانینگ نیچه قوریلمه و حربی پایگاهسی جملهدن احمد الجابر هوا پایگاهسینینگ نشانگه آلگنینی معلوم قیلگن.
تسنیم آژانسینینگ بوگون (۳۰-سرطان/۲۱-جولای، سهشنبه)، سپاه پاسداراندن نقل قیلیب گزارش بیریشیچه، کویت ده «احمد الجابر» هوا پایگاهسی نشانگه آلینگن.
سپاهنینگ اعلام قیلیشیچه، مذکور عملیات ده رادار سایتی، مخابراتی مرکز، صنعی یولداش آرقهلی قبول قیلیش تیزیملری، راکتهگه قرشی مدافعه راداری، «امکیو-۹» پهپادلر سقلنهدیگن جای همده «پاتریوت» راکته گه قرشی مدافعه تیزیمی نشانگه آلینگن دیر.
شونینگدیک ایران اردوسی هم، «صاعقه» عملیاتینینگ ۱۹-باسقیچیده کویت دهگی احمد الجابر پایگاهسیده امریکا کوچلرینینگ یشش محلی، عریفجان پایگاهسیده یونهلیشنی انیقلش آنتنلری بیلن اداری بنالری و العدیری پایگاهسیدهگی تیکاوچرلرنینگ توختهش میدانلری، پهپادلردن فایدهلنیش آرقهلی نشانگه آلینگنینی معلوم قیلگن.
بو بیلن بیرگه، امریکا مرکزی قوماندانلیگی (سنتکام)، نینگ اعلام قیلیشیچه، ایران گه قرشی هجوملرینینگ ینگی باسقیچینی یکونلنتیرگن.
اوشبو هجوملر سونگی کونلرده ایران بیلن امریکا اورتهسیده حربی کیسکینلیکلر کوپهیگنی بیرحالده، عملگه آشیریلگن.
