خلق‌ارا قوتقرو کمیته نینگ ایتیشیچه، دنیا اوکراین ماجراسی گه دقت قیلیش بیلن افغانستان وضعیتی خصوصیده بی فرق بولمسلیگی کیره‌ک.
مذکور نهاد اوتگن کونی (جمعه، ۱۳ حوت) بیر اعلامیه آرقه‌لی، دنیا افغانستان فقرالرینی آچرچیلیک‌دن قوتقریش و خاتین قیزلر برابریده‌گی قیینچیلیک‌لر گه نقطه قوییش اوچون حاضرگی یره‌تیلگن فرصتدن فایده لنیشینی بیلدیرگن.
خلق‌ارا قوتقرو کمیته، افغانستان بویلب اقتصادی انقراض‌نی کمه‌یتیریش و اوشبو مملکت خلقی‌نی قوللب قوتلش اوچون آمریکا قوشمه ایالت‌لری و باشقه مملکت‌لر نینگ سونگی آدیم‌لرینی خوش قرشی له‌گن.
بیزلرنینگ فیسبوک صحیفه‌میزگه باش اورینگ!
اعلامیه‌ده کیلیشیچه، مارچ آیی یکونیده افغانستان گه یاردم جلب قیلیش کنفرانسی عرفه‌سیده، خلق‌ارا قوتقرو کمیته، افغانستان گه توجه قیلیش، انسان پرورلیک یاردم‌لر کوپه‌یتیریلیشی و اقتصادی انقراض‌نی کمه‌یتیریش اوچون سیاست‌لر اوزگرتیریلیشینی طلب قیلگن.
خلق‌ارا قوتقرو کمیته نینگ سیاسی و حقوقی اورین باسری آماندا کاتانزانو، افغانستان نینگ قیته قوریش صندوقی‌دن بیر میلیارد دالر، خلق‌ارا تشکیلات و یاردم بیرووچی تشکیلات‌لر گه اجره‌تیلیشیدن استقبال قیلیب ایتیشیچه، بحران شدتی باعث اوشبو پول‌لر تیزلیک بیلن ترقه‌تیلیب و شونینگدیک دولت اداره‌لری نینگ خادم‌لری جمله‌دن ساغلیک خادم‌لر و اوقیتووچیلر که اکثریتی نینگ ییتی آی‌دن بویان معاش‌لری توللنمه‌گن، استفاده بولیشی کیره‌ک.
بیزلرنینگ توییترده هم تعقیب قیلینگ!
شونینگدیک خلق‌ارا قوتقرو کمیته نینگ کوپه‌یتیریشیچه، افغانستان بویلب انسان پرورلیک احتیاج‌لر اوتگن ییل گه نسبتن اوچ فایز کوپه‌یگن، عین‌حالده ضرورت بولگن یاردم‌لردن حاضرگچه ۸۰ فایزدن آرتیغی قولگه کیلمه‌گن.
بو عین‌حالده، آلتی آی‌دن بویان، افغانستان بویلب بشری وضعیت آغیرلشماقده و خلق‌ارا نهادلر مذکور مملکت‌ده انسانی فاجعه یوز بیریشیدن آگاه لنتیریشگن. عین‌حالده، اوکراین وضعیتی و روسیه نینگ اوشبو مملکت گه باستیریب کیریشی، دنیا جماعه‌چیلیگی نینگ اعتبارینی جلب قیلیب و افغانستان بویلب بحران‌نی آغیرلشتیرگن.
