غزه ده‌گی بحران حاضرگه قدر قریب ۳۹ مینگ دن کوپراق تینچ اهالی نینگ اولیمی و ۹۰ مینگ دن کوپراق اهالی نینگ یره‌لنیشی گه سبب بولگن، همان دوام اېتماقده دیر. اسرائیل و حماس اۉرته‌سیده قانلی اوروش دوام اېتماقده اېکن، مملکت‌لر غزه ده آتش کېسین برقرار اېتیلیشی اوچون سعی-حرکت‌لری گه دوام بیرماقده‌لر.
ینگی‌لیکده امریکا قۉشمه ایالتلری نینگ تشقی ایشلر وزیرلیگی سۉزلاوچیسی اۉرین باسری ودانت پاتل خبری بیر ییغیلیش ده، غزه ده آتیش کېسین برقرار بولمه‌گن حالده، اسرائیل و حزب‌الله لبنان اۉرته‌سیده اوروش باشلنیش احتمالیدن آگاه‌لنتیرگن.
شونینگدیک، ایش بیلرمان‌لر نینگ ایشانچی گه کوره، غزه ده اوروش دوام اېتگن حالده، اۉرته شرق ده اوروش کېنگه‌یشی ممکن.
بیزلرنینگ فیسبوک صحیفه‌میزگه باش اورینگ!
خلق‌ارا مناسبت‌لر ایش بیلرمانی ولی فروزان نینگ ایتیشیچه: «غزه اوروشی کونسهیین کېنگه‌یماقده، کېله‌جکده حزب‌الله و اسرائیل اۉرته‌سیده اوروش باشلنیشی ممکن.»
تورکیه جمهور باشلیغی رجب طیب اردوغان، غزه ده اوروش دوام تاپیشی و سۉنگی کونلرده اسرائیل اردوسی هجوملرینی کوچه‌یتیریش گه مناسبت بیلدیرگن.
تورکیه جمهور باشلیغی اسرائیل گه، اوروش دوام تاپگن حالده تورک حربی کوچلری فلسطین گه کېریشیدن آگاه‌لنتیرگن، اردوغان نینگ بو بیاناتی اسرائیل و تورکیه اۉرته‌سیده لفظی تارتیشوولر گه سبب بولگن.
بیزلرنینگ «ایکس» ترماغی ده هم تعقیب قیلینگ!
ایش بیلرمان‌لر نینگ ایشانچی گه کوره، مملکت‌لر غزه ده‌گی اوروش گه چېک قوییلیشی اوچون یېترلیچه سعی-حرکت قیلمه‌گنلر.
مملکت‌لر اینیقسه شرق مملکت‌لری اقتصادی باسیم‌لری بیلن غزه ده‌گی اوروش احوالینی اۉزگرتیریشی ممکن اېدی دیه ایشانه‌دیلر، ایش بیلرمان‌لر.
خلق‌ارا مناسبت‌لر ایش بیلرمانی ولی فروزان نینگ کوپه‌یتیریشیچه: «اسرائیل گه قورال-یراغ کوپراق تورکیه و سعودی عربستان آرقه‌لی یېتکزیب بیریله‌دی، حماس و اسرائیل اۉرته‌سیده دوام اېتیب کېله‌یاتگن یاردملرنی بو ایکّی مملکت کېسگن حالده اېدی، اسرائیل باشقه احوال ده قرار تاپیشی ممکن اېدی.»
ایتیش کېره‌ک، ینگی‌لیکده اسرائیل غزه نینگ خان یونس «الموواسی» منطقه‌سی اهالیسی گه بو منطقه نی بوشه‌تیش بویروغینی بیریب و بو منطقه ده حماس گه قرشی جدی عملیات یولگه قوییشیدن آگاه‌لنتیرگن.
