غربی ولایت‌لرده قشاق‌لیک باعث، تعلیم نی ترک قیلیب و ایشچی‌لیککه یوز کیترگن بالهلر نینگ ایتیش‌لریچه، عایله‌لری نینگ نفقه‌سی نی تامین‌لش اوچون، قیین و آغیر ایشلر نی تحمل قیله‌دیلر.
فراه شهری نینگ چوک‌لریدن بیری‌ده ۱۶ یاشر میراحمد، اوچ کیچیک ایناغه‌سی بیلن بوت تیکووچیلیک قیله‌دی. اونینگ ایتیشیچه، قشاق‌لیک باعث، اولر تعلیم نی ترک قیلیش گه زورلنگنلر.
میراحمد نینگ ایتیشیچه: «آیلردن بیری بوت تیکووچیلیک قیله‌من، کیله‌جک‌ده بیر انجینیر یا-ده بیر اوقیتووچی بولماق اوچون مکتب گه باریش و درس اوقیش گه نیازیم بار. حاضر کونده ۱۵۰ الی ۲۰۰ افغانی ایشله‌یمین.»
بیزلرنینگ توییترده هم تعقیب قیلینگ!
میراحمد نینگ تقدیری گه اوخشه‌گن غربی ولایت‌لرده ایشچی باله‌لردن کوپ قطاری نینگ حیات حیایه‌لری شو رقم دیر.
شونده‌ی بیرحالده، غور یشاوچیسی محمد یعقوب نینگ ایتیشیچه، حقیقتاً سونگی کون‌لرده ایشچی بالهلر سانی کوپه‌یگن و بو خواطرلنتیرووچی و بو کیچیک باله‌لردن کوپ قطاری نینگ عایله‌ده نان کیلتیرووچی بولگنی نی کورسته‌دی.
باشقه بیرتامان‌دن، بادغیس مدنی جماعه مسئولی ارباب شیخ الاسلام، اوشبو ولایت‌لرده‌گی ایشچی بالهلر نینگ وضعیتی نی خواطرلی دیب و حکومت‌دن افغان بالهلر اینیقسه ایشچی بالهلر گه تعلیم و تحصیل زمینه‌سی نی فراهم قیلیش‌لری نی سوره‌گن.
اونینگ کوپه‌یتیریشیچه، اوشبو بالهلر قیین و آغیر ایشلردن خلاص بولیش‌لری اوچون، اسلامی امارت اولر نینگ عایله‌لر گه یاردم بیریب یا-ده اولر گه ایش زمینه‌سی نی فراهم قیلیشی کیره‌ک.
شونده‌ی بیرحالده، فراه و غور ولایت‌لر نینگ محلی مسئوللری ایشچی بالهلر وضعیتی خصوصیده‌گی خواطرلر نی قبول قیلیب و ایتیشیچه، اولر اوشبو بالهلر نینگ قیینچیلیکلری نی حل قیلیش اوچون سعی و حرکت قیلماقده‌لر.
بیزلرنینگ فیسبوک صحیفه‌میزگه باش اورینگ!
فراه ولایتی نینگ ایش و اجتماعی ایشلر رئیسی شیراحمد حق طلب نینگ ایتیشیچه: «بیزلر بو موضوع‌لر نی بالهلر حقوقی‌دن حمایت قیلیش بولیمی‌ده‌گی فعالیت قیله‌دیگن موسسه‌‌لر گه شریک قیلدیک و تیزلیککه زیان کورگن بالهلر نینگ قیینچیلیکلری نی حل قیلیش‌لری خصوصیده امید‌وار میز.»
ایتیش کیره‌ک که، بوندن آلدین باش پناه ایزلاوچیلر بوییچه بیرلشگن ملت‌لر تشکیلاتی نینگ عالی کمیشنری بیر توییت آرقلی افغانستان‌ده‌گی ایشچی بالهلر خصوصیده خواطر بیلدیریب و ایتگن که، باله‌لردن قطاری عایله‌لریدن حمایت قیلیش اوچون، مکتب نی ترک قیلیش گه مجبور بولگنلر.