طبیعی آفت‌لر ایشلری بوییچه دولت وزیرلیگی نینگ ماین‌لرنی تازه‌لش ریاستی گه کوره، سۉنگی آلتی آی ایچیده افغانستانده اوروش‌لردن قالگن ۱۱۱ ماین پارتلشی عاقبتیده ۷۰ کیشی هلاک بولیب و باشقه قریب ۱۸۰ کیشی یره‌لنگن.
مذکور ریاست باشلیغی نورالدین رستم‌خیل سلام‌وطندار بیلن اۉتکزگن صحبتیده، افغانستان نینگ ماین تازه‌لش بولیمی بودجه تنقیص‌لیگی و بشری منبع آزلیگی بیلن روپه‌ره‌لیگینی اېته‌دی.
اونینگ کوپه‌یتیریشیچه: «۲۰۲۴-ییل باشلگنیشیدن حاضرگه قدر ۱۱۱ واقعه ده ۷۰ کیشی هلاک بولیب و باشقه قریب ۱۸۰ کیشی یره‌لنگن، حاضر هم ۱۲ کیلومتر منطقه تازه‌لنمه‌گن، چونکه بودجه آز دیر و خادم‌لر بودجه یوق‌لیگی طفیلی بیکار قالیشگن.»
رستم‌خیل جنابلری نینگ کوپه‌یتیریشیچه، افغانستانده ماین تازه‌لاوچی ۱۵ مینگ خادم دن حاضرگی کونده ایکّی مینگ ۵۰۰ دن ۳۰۰۰ کیشی ایش بیلن مصروف دیر و قالگنلری بودجه تنقیص‌لیگی طفیلی بیکار قالگنلر.
بیزلرنینگ فیسبوک صحیفه‌میزگه باش اورینگ!
عین‌حالده، افغانستان ماین‌لرنی تازه‌لش موسسه، افغانستانده بیر مینگ ۲۰۰ کیلومتر مربع ییر یا ده تورت مینگ دن آرتیق قیشلاق ده ماین ییرلشتیریلگنینی معلوم قیله‌دی.
اوشبو موسسه باشلیغی شهاب حکیمی نینگ سلام‌وطندار گه ایتیشیچه، حاضرگی کونده افغانستانده تازه‌لنمه‌گن ماین‌لر اوچ میلیون کیشی نینگ حیاتینی مستقیم طرزده و ۳.۸ میلیون کیشی نینگ حیاتینی نامستقیم طرزده تهدید قیله‌دی.
اونگه کوره: «حاضرگی کونده افغانستان نینگ ۴۰۱ تومنیدن ۲۶۶ تومنیده ماین بار و افغانستانده قریب اوچ میلیون کیشی بیر کیلومتر ماین یقینیده حیات کیچیرماقده و هر آی ماین‌لر پارتلشی عاقبتیده کوپراغینی باله‌لر تشکیل بیرگن ۷۰ کیشی اولیب و یره‌لنگن.»
بیزلرنینگ «ایکس» ترماغی ده هم تعقیب قیلینگ!
ماین تازه‌لش موسسه‌لر و اداره‌لر، افغانستانده ماین ییرلشتیریلگن‌لیگی گمان قیلینگن منطقه‌لرنی تازه‌لش اوچون بودجه آزلیگیدن عین‌حالده خواطر بیلدیرماقده‌لر، اۉتگن کون لوگر ده اوق پارتلشی عاقبتیده تورت باله هلاک بولیب و باشقه بیر باله یره‌لنگن.
لوگر یشاوچیسی و اوشبو باله‌لر نینگ قرینداش‌لریدن بیری غلام‌رسول نینگ سلام‌وطندار گه ایتیشیچه: «باله‌لر کبار ییغیش پیتیده بو واقعه یوز بیردی، ایکّی قیز و ایکّی اوغیل باله حیات‌لرینی یوقاتدی و بیری هم یره‌لنگن.»
پکتیا ولایتی سیدکرم تومنی یشاوچیسی و اوروش دن قالگن ماین پارتلشی طفیلی بیر قولی و بیر کوزینی قولدن بیرگن عبدالرزاق، حاضرگی احوالی باعث عایله اعضالری گه تیه‌نیب قالگنینی معلوم قیله‌دی.
اونینگ ایتیشیچه: «ماین پارتلشی باعث بیر قولیمنی قولدن بیردیم، باشقه بیر قولیم نینگ ایکّی تیرناغی کېسیلدی حاضرگه قدر باشیم یره، عایله ده ۱۰ کیشی‌میز، احوالیمیز جوده هم یامان دیر.»
افغانستان ماین‌لرنی تازه‌لش موسسه نینگ معلوماتی اساسیده، افغانستانده حاضرگی کونده بیر مینگ ۲۰۰ کیلومتر مربع دن آرتیق ییر یعنی تورت مینگ ۲۳۳ قیشلاق دیر، ماین ییرلشتیریلگن.
