سیز بیرار مرته بوگون، احتمال حیاتینگیزنینگ سۉنگی کونی بولیشی ممکنلیگی حقیدهگی اوی-خیال بیلن قرانغو چادیرده یشهگنمیسیز؟
مینینگ اسمیم زیاده. مین ۱۶ یاشده من، لېکن مینینگ حکایهم تېنگداش بالهلرنینگ حکایهلریدن فرق قیلهدی…
مینینگ تورت نفر آپه-سینگیللریم، ایکّی نفر جیهنیم و آنم بار. بیز سوریهده بیش ییل دوامیده-بوگون عمریمیزنینگ آخرگی کونی، بوگون کوزلریمیزنی ابدی یومهمیز، دیگن قورقووده یشهدیک…
بیز، قویاش نورلری توشمهیدیگن چادیرده حیات کیچرردیک. خاطر جمع یاتیب، تینچ اوخلهی آلمس اېدیک، چونکه یریم تونده هم جنگریلر ایچکریگه کېریب، نرسهلریمیزنی تیتکیلب باشلردی… «زیادهنینگ کوزلری دهشت گه توله، گویا ېنه اوشه چادیر گه قیتگندیک اېدی. او اوتمیش گه قیتیب، خاطرهلریگه شونغیب کېتهدی.
«مین همهسینی تیزراق اونیتیشنی خواهلهی من، لېکن جراحتلریم اوتمیشنی اونیتیش گه امکان بیرمهیپتی. مین بمبلر قنده پارتلشینی کورگنمن و جانیمنی سقلش اوچون پنه گه قاچگنمن. مین جوده تیز یوگیرردیم و حیاتیمنی اسرهب قالیشنی التجا قیلردیم، لېکن اولگوره آلمهدیم… پارتلش… مین قاتیب قالدیم، کوزلریمده قرانغولیک، اطرافیمده چنگ و ویرانلر … کوزلریمنی آچسم، بمب پرچهلری مینی یرهدار قیلگن اېکن …» دیېدی، زیاده ییغلب و تیترهب.
بیزلرنینگ فیسبوک صحیفهمیزگه باش اورینگ!
کیچیک سینگلیمنینگ بوتون تنهسی کوکریب قالگن جایلر بیلن قاپلنگن اېدی. او کوچسیزلندی، نفسی قیسیلیشی کوزهتیلردی. شفاکارلر اونینگ یورهگیده نقصان بارلیگینی اېتیشدی. سوریهده باشیمیز گه توشگن عذابلردن کېین کتّه آپهلریم عصبیلشهدیگن و ییغلهیدیگن بولیب قالیشدی. اولرنینگ باشی تیز-تیز آغریب تورهدی. اوشندن بیری اولر تینچ اوخلهی آلمهیدیلر- دیېدی زیاده، افسوسلنیب.
اوتگن ییلی بیزنی وطنیمیز گه آلیب کېلیشدی. بیز تاغمنینگ اوییده قالدیک، لېکن اولر بیلن بیرگه یشهی آلمهدیک. آنم بیزنی اجاره گه آلگن کورتیره (آپارتمان) گه آلیب باردی، بیز اجاره حقینی زور گه تولر اېدیک.
بو ییرگه کېلگچ، درحال تاشکینتدهگی شفاکارلر گه مراجعت قیلدیک. کیچیک سینگلیمنینگ یورهگینی عملیات قیلیشدی. اېندیلیکده او اۉزینی یخشی حس قیلهیپتی و مکتب گه بارهیپتی. باشقه آپهلریم هم ثمرهلی طبی خذمتلردن بهرهمند بولهیپتیلر.
باشدن کیچیرگنلریم خاطرهلری، چندیقلریم سیکین-استه بیتماقده. مین مکتب گه بارهیپمن. مکتبدهگیلر اوتمیشیمنی بیلیشسه هم، مینگه یخشی مناسبتده بولیشهیپتی. اگر بیرار نرسهنی توشینمهسم، مینگه تیزده توشینتیرهیپتی. اېنگ کیچکینه سینگلیم باغچه گه قتنهیپتی، کتّه آپم بازارده سودا-ساتیق ساحهسیده ایشلهیپتی، ایکّینچی آپم اېسه اونینگ بالهسینی پرورش لهیپتی.
بیزلرنینگ «ایکس» ترماغی ده هم تعقیب قیلینگ!
بیز روانشناسلر بیلن اوزاق صحبتدن سۉنگ، اویدن چیقیش گه قورقمهیدیگن بولدیک…
زیاده و اونینگ عایلهسی «مهر-۳» عملیات دایرهسیده فرغانه ولایتیگه قیتریلدی.
عایلهنینگ دایمی یشش جایی بولمهگنلیگی اوچون، میلادی ۲۰۲۱-ییل جون آییده اولر گه حاکمیت تامانیدن تورت خانهلی کورتیره (آپارتمان) بیریلدی. اجتماعی خادملر عایله گه اویده وقتینچهلیک یشش اوچون رویخطدن اوتیش گه یاردم بیریشدی. او حاضرده دایمی رویخطدن اوتیشلری اوستیده ایش آلیب باریلماقده. قیزلرنینگ آنهسی اوی گه فقط اوچ مرته نوبتچی شفاکار بولیب ایشلهماقده. عایلهنی مالیهوی قۉللب-قوتلش اوچون لایحه متخصصلری آنه گه باله نفقهسینی آلیشده یاردم بیرهیپتی.
کتّه آپهلری تاشکینت شهریدهگی خصوصی کلینیکلردن بیریده دوالنماقده. فرغانه ولایتی خلق تعلیمی باشقرمهسی اولر گه ۹-صنفنی تماملهگنلیک توغریسیده شهادتنامه آلیشده کمکلشگن بولسه، عینی دمده ۱۰-۱۱- صنفلرنی خارجی طلبهلر طرزده تماملهگنلیک توغریسیدهگی حجتنی رسمیلشتیریشده یاردم بیریلماقده. «وکف» دینی جمغرمهسی سینگلیسینینگ یورهگینی عملیات قیلیش گه یاردم بیردی، حاکمیت اېسه جیهنلرینی باغچه گه جایلشتیریش مسئلهسیده کمکلشدی.
عینی پیتده، عایله بیلن ایش آلیب باریش دوام اېتماقده.
«بیز بو ییرده تینچلیک تاپدیک. اوییمیزده اېندی چراق دایما یانیب توریبدی، کوچهده اېسه قوشلرنینگ سیرهشی اېشیتیلهدی» دیېدی زیاده یینگیللیک بیلن، قویاشنینگ یارقین نورلری کېرهیاتگن دیرهزهدن تشقری گه نگاه تشلب.
اوشبو حکایه اروپا اتفاقی تامانیدن مالیهلشتیریلگن «اروپا اتفاقی و بیرلشگن ملتلر تشکیلاتینینگ مرکزی آسیا» دولتلریگه قوراللی ماجرالر حدودلریدن، بیرینچی نوبتده سوریه و عراقدن قیتگن فقرالرنی قۉللب-قوتلش لایحهسی دایرهسیده یازیلگن.
اۉگیرووچی: نصرتالله احدی
