کابل یشاوچیسی نرگس، ترامادول نشئه‌قیلووچی دارو‌سی نینگ قوللشی گه چلینگن ۲۳ یاشر بیر ییگیت نینگ آنه‌سی دیر. اونینگ ایتیشیچه، کابل شهری نینگ دارو‌خانه‌لریده اوشبو دارو نینگ آزاد بیر شکلده ساتیلیشی، اوغلی نینگ معتاد بولیشی گه سبب بولگن. نرگس مذکور نشئه‌قیلووچی دارو نینگ قانونی‌سیز شکلده ساتیلیشی‌دن تنقید‌لب، حکومت‌دن نشئه‌قیلووچی دارولر نینگ آزاد بیر شکلده ساتیلیشی‌دن توسیق بولیش اوچون درست بیر ایش انجام بیریلیشی نی ایسته‌گن.
نرگس نینگ ایتیشیچه: «کوپ جان آغریغیم بار ایدی. داکتر ترامادول دارو‌سی نی بیردی. داکتر نینگ نسخه‌سیدن بیر یا-ده ایکی مرته استفاده قیلدیم؛ چونکه اوشبو دارو نینگ اویقو کیلتیریشی نی ایشیتگن ایدیم. مذکور دارو‌دن قوللنگنیم پیتده، جان آغریغیم آرام بوله‌ر ایدی؛ بیراق نیچه پیت‌دن کیین، اوغلیم نی بو دارو‌دن قوللنیشی‌دن بیلدیم. اوغلیم ۲۳ یاشر دیر. اوی‌ده کوپ اوروشیب و سینگیل‌لری نی کلتک‌له‌یدی، بیر مرته اوی وسیله‌لری نی هم سیندیردی. اوشه پیتده، اونینگ مذکور دارو گه معتاد بولگنی نی بیلدیم.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، داکترلر نینگ ایتیش‌لریچه، ترامادول دارو‌سی نینگ حد‌دن زیاده و داکتر نینگ توصیه‌سی بولمه‌سدن قوللنیلیشی، ساغ اینیقسه یاش ییگیت‌لر آره‌سیده معتاد بولیش، سرطان و حتی اولیم گه سبب بوله‌دی. کابل ده خصوصی بیلیم یورت‌لردن بیری نینگ داروشناس‌لیک بولیمی اوقیتوچیسی بولمیش صدام شیرزی نینگ ایتیشیچه، مذکور دارو تریاک‌دن ترکیب بولگن و جدی و متوسط آغریق‌لر نینگ آرام قیلیش اوچون، کسل‌لر گه توصیه بوله‌دی.
اونینگ کوپه‌یتیریشیچه: «ترامادول دارو‌سی‌ده تریاک ترکیبی بار. اوشبو دارو بروفن و پرستامول دارو‌لری بیلن درد‌لری آرام بولمه‌گن کیشی‌لر یا-ده عصبی، سینیق و کوییش درد‌لر نی آرام قیلیشی اوچون توصیه بوله‌دی.»
جناب شیرزی نینگ ایتیشیچه، ترامادول دارو‌سی، داکتر نینگ مشوره‌سی و نسخه‌سی بولمس‌دن بیریلمه‌یشی کیره‌ک. اونینگ کوپه‌یتیریشیچه: «اوشبو دارو نینگ آلینیشی افغان‌لر آره‌سیده قولای بیر ایش بولگن که، اونینگ دارو‌خانه‌لردن آز دوز بیلن آله‌دیلر. اونینگ بیرینچی‌ده قوللنگنی پیتده، مغز حساسیت بیلدیرمه‌یدی؛ بیراق بو دارو نینگ دوام‌‌لی شکلده قوللنیلیشی بیلن، مغز اوشه دوز بیلن عمل‌کرد قیله آلمه‌یدی و مذکور کیشی کوپ‌راق دوز‌لردن قوللنیش گه مجبور بوله‌دی و بو باش آغریق، قرین آغیریق و حتی اولیم گه سبب بوله‌دی.»
عین حالده، افغانستان دارو-دوا ملی اداره‌سی نینگ سوزلاوچیسی جاوید هژیر، ترامادول دارو‌سی نینگ قانونی‌سیز شکلده ساتیب-آلینیشی و قاچاق بولینیشی نی تصدیق‌لب و ایتیشیچه، اوشبو اداره نینگ تیکشیرووچی تیم‌لری، ثبت بولگن دارو‌خانه‌لرده ترامادول دارولر نینگ ساتیلیشی‌دن، منظم شکلده نظارت قیله‌دی؛ بیراق اونگه کوره، خلاف‌کار کیشی‌لر نینگ تانیش قیین دیر. اونینگ کوپه‌یتیریشیچه: «بو دارو ۲۵۰ میلی گرام بیر کونده اوچ مرته، داکترلر آرقه‌لی تعیین‌لنه‌دی؛ لیکن قیغو بیلن سونگی کون‌لرده ییگیت‌لر، اوشبو دارو‌دن بنگولیک ماده صفتیده قوللنه‌دیلر. مذکور دارو یالغیز دارو‌خانه‌لر ایمس، بلکیم قاچاق شکلده مملکت گه کیلیب و ساتیب-آلینه‌دی که، بو دارو نینگ ساتیلیشی دارو و دوا ملی اداره‌سی تامانیدن کامل شکلده منع ایتیلگن.»
بیزلرنینگ توییترده هم تعقیب قیلینگ!
عامه ساغلیق وزیرلیگی نینگ معلوماتی اساسیده، افغانستان ده مخدره ماده گه چلینگن کیشی‌لردن ۵۰ فایزی، کیمیاوی مخدره ماده و نشئه قیلووچی دارو‌لردن قوللنگن معتاد‌لر تشکیل بیره‌دی. باشقه بیر تامان‌دن، داکترلر نینگ ایشانچی گه کوره، نشئه قیلووچی دارولر نینگ قوللنیلیشی، باشقه تور مخدره ماده‌لر نینگ قوللنیلیش زمینه‌سی نی یره‌ته‌دی.