اوتگن کون (چهارشنبه، ۲۳-جوزا)، آنه‌لر کونی مناسبتی بیلن بیر قیز آرقه‌لی «کتاب یار مهربان» اسمی آستیده ایکی کونلیک کورگزمه یولگه قوییلگن.
اوشبو کورگزمه نی یولگه قویگن فاطمه مهمان‌دوست نینگ سلام‌وطندار گه ایتیشیچه، بو کبی کورگزمهلر نینگ یولگه قوییلیشی حاضرگی قلتیس شرایط ده قیزلر نینگ روحی گه ایجابی رولی بار.
اونینگ کوپه‌یتیریشیچه: «جمعیتی‌میز‌ده مطالعه فرهنگی رواجلنیشی کیره‌ک و شو رقم کورگزمهلر و کتاب‌خوانلیک انجمن‌لر نینگ یولگه قوییلیشی بیلن، اهالی اینیقسه عیاللر نی کتاب اوقیش گه قیزیقتیریشیمیز لازم.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، مذکور کورگزمه‌دن کوریب چیققنلردن قطاری اوشبو کورگزمه نینگ یولگه قوییلگنی‌دن خورسند‌لیک قیلیب و ایتیشلریچه، حاضر قیزلردن ۵۰ فایزی نابیللی کیله‌جک اوچون کتاب اوقیش گه قیزیقیشلری کمه‌یگن.
اوشبو کورگزمه‌دن کوریب چیققنلردن بیری فروغ نینگ ایتیشیچه: «جوده‌یم خوش‌مین؛ چونکه حاضر قیزلر ایش‌سیز و بو رقم انگیزه بیره‌دیگن کتاب‌لر اولر نینگ تغییر قیلیشلریگه سبب بوله‌دی. حاضر اونچه‌لیک قیزیقمه‌یدیلر؛ ۱۰۰ فایز‌دن ۵۰ فایزی درس اوقیب و کتاب اوقیش گه قیزیقه‌دی.»
بیزلرنینگ «ایکس» ترماغی ده هم تعقیب قیلینگ!
شونینگدیک اوشبو کورگزمه‌دن کوریب چیققنلردن باشقه بیری زهرا نینگ ایتیشیچه: «کورگزمه اینیقسه کتاب کورگزمهلر نینگ یولگه قوییلیشی، قیزلر اوچون جوده‌یم یخشی دیر؛ چونکه قیزلر آره‌سیده کتاب اوقیش فرهنگی یولگه قوییلیشی کیره‌ک که کیلیب و کورسه‌لر؛ کتاب اوقیسه‌لر و قوللنسه‌لر؛ چونکه حاضر عیاللر اوچون فرهنگی ایشلری کمه‌یگن و بو رقم نرسه‌لر بولگنی‌ده جوده‌یم یخشی بوله‌دی.»
باشقه بیر تاماندن، اوشبو کورگزمه گه شرکت قیلگنلردن باشقه بیری شبنم، اوچ ییل آلدین اقتصاد فاکولته‌سی نی بیتیرگن دیر. اونینگ ایتیشیچه، بو کبی کورگزمهلر گه شرکت قیلیش بیلن ایش‌سیزلیک قیین‌چیلیگی و نابیللی کیله‌جک خصوصیده‌گی زیریکیشی نی کمه‌یتیریش ایسته‌یدی.
اونینگ کوپه‌یتیریشیچه: «قیزلر یوزیگه مکتب‌لر آچیلیشی گه نیازیمیز بار؛ اولر گه ایش زمینه‌سی یره‌تیلسین که پیشرفت قیلسینلر. بو کبی کورگزمهلر بیلن رواجلنیب و پیشرفت بولمه‌یدی.»
ایتیش کیره‌ک که، مذکور کورگزمه‌ده ادبیات، تاریخ، هنر و انگیزه‌بیره‌دیگن کتاب‌لر شامل ۴۰۰ جلد کتاب نمایش گه قوییلگن.
