نورستان ولایتیده ساغلیک مرکزلر ایشلاوچیلری نینگ ایتیشلریچه، اوتگن ۴ آیدن بویان اهید ادارهسی اولرنینگ حقوقلرینی توللمهیدی.
اولرنینگ کوپهیتیریشلریچه، اهید ادارهسی هردایم اولر و اوشبو ولایت اهالیسیگه کوپلب وعدهلر بیرگن، بیراق وعدهلرینی عملگه آشیرمهگن.
نورستان ساغلیک ایشلاوچیلری نینگ آگاهلنتیریشلریچه، حقوقلری توللنمهگن صورتده، اوشبو ولایتده بولگن بوتون ساغلیک مرکزلرنینگ دروازهلرینی باغلهیدیلر.
نورستان ولایتی نینگ بیرقطار منطقهلریده هیچبیر ساغلیک مرکز فعالیت قیلمهیدی و اوشبو ولایت یشاوچیلریدن کوپ قطاری ساغلیک خذمتلردن محروم قالگن.
نورستان ولایتی کینگش باشلیغی سعدالله پایندهزوی نینگ اهید ادارهسی ایشلریدن تنقید قیلیب ایتیشیچه، اوشبو اداره نورستان ولایتیده تاثیرلی بیر ایش قیلمهگن.
عینحالده، نورستان حاکمی عبدالغفور ملکزی نینگ ایتیشیچه، اوشبو ولایتده ساغلیک بولیمیده بولگن قیینچیلیکلرنی مرکز بیلن شریک قیلهدی.
بوتوغریده اهید ادارهسی مسووللری نینگ فکرینی آلیش اوچون سعی و حرکت قیلدیک، لیکن موفق بولمهدیک.
نورستان ولایتیده ۴۲ ساغلیک مرکز فعالیت قیلهدی و اولردن ۳۷ تهسی نینگ بودجهسی ساغلیقنی سقلش وزیرلیگی چهارچوبهسیده اهید ادارهسی تامانیدن بیریلهدی.