بادغیس ده ایچکی آواره‌لردن قطاری، اسلام امیرلیگی تامانیدن اوشبو ولایت‌ده آواره‌لر کمپی اورته‌دن کیتگنی خصوصیده ایتیش‌لریچه، اولر یامان اقتصادی وضعیت‌ده قرار تاپگنلر و عاجل باش‌پناه و آزیق-آوقات گه نیازلری بار.
اولر نینگ آگاه‌لنتیریش‌لریچه، اسلام امیرلیگی مسئوللری و یاردم بیرووچی نهادلر بادغیس ده ایچکی آواره‌لر وضعیتی گه جدی شکلده توجه قیلمه‌گنلری صورت‌ده، انسانی فاجعه یوز بیریشی ممکن.
بیزلرنینگ توییترده هم تعقیب قیلینگ!
بادغیس ده ایچکی آواره‌لردن بیری عین‌الدین نینگ ایتیشیچه :«وضعیتی‌میز یامان دیر، قیش اوچون یانغین ماده‌میز و ییماق اوچون ییگولیک ماده‌میز یوق. پولی‌میز یوق و یامان بیر وضعیت‌ده قرار تاپگن‌میز. بیزلر گه بیر افغانی هم یاردم بیریلمه‌گن.»
باشقه بیر تامان‌دن، بادغیس ده مدنی فعال‌لر مذکور ولایت‌ده‌گی آواره‌لر وضعیتی نینگ خواطرلنتیرووچی دیب و ایتیش‌لریچه، بادغیس ده ایچکی آواره‌لردن کوپینچه‌سی آز امکانیت گه هم قول تاپه آلمه‌یدیلر.
عین حالده، ناروی مهاجرلر کینگشی اوتگن نیچه کون آلدین، بیر اعلامیه آرقه‌لی اوشبو ولایت‌ده اسلام امیرلیگی تامانیدن بادغیس ده مینگ‌لرچه ایچکی آواره نینگ کمپی‌دن چیقریلگنی خصوصیده خواطر بیلدیریب و ایتیشیچه، چیقریلگن آواره‌لر ییش اوچون ییمک و ایسیق بولیش اوچون باش پناه‌لری یوق.
بیراق بادغیس محلی مسئوللری مذکور ولایت‌ده ایچکی آواره‌لر نینگ کمپ‌دن چیقریلگنی نی رد قیلیب و ایتیش‌لریچه، اولر بویوک‌لر و تورلی نهادلر هماهنگ‌لیگی‌ده ۲۰۰۰دن آرتیق بی‌جا بولگن کیشی‌لر نینگ اصلی منطقه‌لری گه یوباریلیشی خصوصیده قرار آلگنلر.
بیزلرنینگ فیسبوک صحیفه‌میزگه باش اورینگ!
مسئوللر نینگ کوپه‌یتیریش‌لریچه، اولر اوشبو ولایت‌ده یاردم بیرووچی نهادلر هماهنگ‌لیگی‌ده اصلی منطقه‌لری گه بارگن عایله‌لر اوچون، نقدی و غیر‌نقدی یاردم‌لر بیریلیشی اوچون سعی و حرکت قیله‌دیلر.
