«ههنگاو» بشری حقوق تشکیلاتی، ۲۰۲۵-ییل باشلنگنیدن بویان ایران ده افغانستانلیک کمیده ۴۶ کیشینینگ دار گه آسیلگنینی معلوم قیلگن.
ههنگاو، بوگون ایرتهلب (۲۸-اسد، سهشنبه)، بیر گزارش ترقهتیش بیلن یازیشیچه، ایران ده قریب سکیز آیده تورلی عیبلر بیلن ۸۰۰ کیشی دار گه آسیلگن.
بیزلرنینگ «ایکس» ترماغی ده هم تعقیب قیلینگ!
بو تشکیلاتنینگ معلوماتی اساسیده، اورته شکلده هر آی ایران قماقخانهلریده ۱۰۰ کیشی دار گه آسیلگن.
اوشبو گزارشده کیلیشیچه، دار گه آسیلگن ۸۰۰ محبوسدن، ۱۱۶ تهسی کُرد، ۱۰۷ تهسی لُر، ۹۲ تهسی بلوچ، ۸۲ تهسی تورک بولیب و کمیده ۴۶ افغانستانلیک هم بو مدتده دارگه آسیلگن.
ایراننینگ بشری حقوق تشکیلاتی، دار گه آسیلگنلر آرهسیده قریب ۳۰ ته سیاسی و اعتقادی محبوس همده ۲۲ عیال و بیر بالهنینگ شامل بولگنینی یازگن.
بیزلرنینگ فیسبوک صحیفهمیزگه باش اورینگ!
مذکور گزارشده، دارگه آسیلگن افغانستان یشاوچیلری عیبلری توغریسیده هیچ بیر نرسه دییلمهگن.
ایران بشری حقوق تشکیلاتینینگ گزارشی اساسیده، میلادی ۲۰۲۴-ییلده ایران ده افغانستانلیک ۸۰ محبوس دارگه آسیلگن دیر.
