افغانستان تینچلیگی بوییچه آمریکا خاص نماینده‌سی توماس وِست نینگ ایتیشیچه، اسلامی امارت آمریکا و دنیا جماعه‌چیلیگی نینگ شرط‌لرینی عملی قیلمه‌گن صورتده، آمریکا اسلامی امارت حکومتی نی رسمیت گه تانیمه‌یدی.
جناب وِست آمریکالیک بیر رسانه بیلن صحبت اوتکزیب ایتیشیچه، آمریکا قوشمه ایالاتی افغانستان وضعیتی نی بیله‌دی و بو مملکتده‌گی جاری بشری فاجعه دن خواطر گه دیر؛ بیراق بو مملکت نینگ باغلنگن پوللری آمریکا تامانیدن آزاد ایتیلیشی، مذکور مملکت شرط‌لری اسلامی امارت تامانیدن عملی ایتیلیشی گه باغلیق دیر.
افغانستان تینچلیگی بوییچه آمریکا خاص نماینده‌سی گه کوره، بو مملکت قیزلر و عیاللر حقلری اسلامی امارت تامانیدن رعایت ایتیلیب و اولرنینگ دنیا جماعه‌چیلیگی گه بیرگن وعده‌لری نینگ عملی ایتیلیشی گه ایشانمه‌یدی. اونینگ کوپه‌یتیریشیچه، اسلامی امارت بیرگن وعده‌لریگه عمل قیلیب و بو توغریده آمریکا گه ایشانچ بیریشی کیره‌ک.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، قطر ده اسلامی امارت سیاسی دفتری اعضاسی انس حقانی، رسانه‌لر بیلن اوتکزگن صحبتده اسلامی امارت دنیا جماعه‌چیلیگی تامانیدن رسمیت گه تانیلمه‌یشی نی افغانستان یشاوچی‌لری برابریده عدالت‌سیزلیک دیب و ایتیشیچه، اونچه‌لیک که دنیا جماعه‌چیلیگی نینگ اسلامی امارت گه نیازی بار اسلامی امارت نی اونچه‌لیک دنیا جماعه‌چیلیگی گه نیازی یوق.
اسلامی امارت نینگ قدرت گه ایریشگنیدن کمیده ۴ آی اوتگن، بیراق حاضرگچه هیچ بیر مملکت اسلامی امارت نی رسمیت گه تانیمه‌گن و بو اقدام ایسه اقتصادی بحران و یمان انسانی وضعیت گه سبب بولگن.