ولایتلر و کابل نینگ شمالی تومن‌لریده وارداتی برق پایه‌لری نینگ کیین‌مه‌کیین پارتله‌تیلیشی دوامیده، حاضر پروان پولیس قومندانلیگی «مماتی سالنگ» نینگ ایناغه‌سی تامانیدن رهبرلیک قیلینه‌دیگن اوچ کیشی‌لیک بیر گروه نی قولگه آلگنیدن خبر بیرگن.
پروان پولیس قومندانی عبدالرووف ارزگانی نینگ سلام‌وطندارگه ایتیشیچه، اوشبو اوچ کیشی‌لیک گروه بیربیراولریگه قرشی شهادت بیرگنیدن کیین، پولیس تامانیدن قولگه آلینگن.
پروان پولیس قومندانی گه کوره، مذکور اوچ کیشی‌لیک گروه نینگ «مماتی سالنگ» گه تانیقلی دل آقا ناملی کیشی رهبرلیک قیله‌دی ایکن که مماتی سالنگ قویاش ۱۳۹۸- ییل ده جنوبی سالنگ ده برق پایه‌لرینی نابود قیلیش جرمی بیلن قولگه آلینیب و شونینگدیک اوز جرمی گه اعتراف قیلگن ایدی.
مماتی سالنگ آستقورمه تأسیسات‌لرنی «پروان-کابل آره‌سیده‌گی برق پایه‌لری» نابود قیلیش جرمی بیلن ۱۶ ییل حبس گه محکوم بولدی. پروان پولیس قومندانی گه کوره، قانون اساسیده اولر عیبلنگن کیشی‌لردن تحقیق قیله آلمه‌یدی و اولرنینگ قولگه آلگندن کیین قاره‌لاوچیلیککه تانیشتیره‌دیلر.
عبدالرووف ارزگانی نینگ کوپه‌یتیریشیچه، گرچند وارداتی برق پایه‌لری مذکور اوچ کیشی‌لیک گروه مسئولی نینگ اویی نی یقیین‌لیگیده پارتله‌تیلگن، بیراق بو گروه اوشبو پایه‌لرنی پارتله‌تیشدن منکر کیلگن.
جنوبی سالنگ ده اوتگن ۲۰ کونده وارداتی برق پایه‌لریدن نیچه ته‌سی پارتله‌تیلیب و ۱۰ دن آرتیق ولایت نینگ برقی نی کیسیلیشی گه سبب بولدی.
حاضر وارداتی برق پایه‌لری نینگ پارتله‌تیلیشی جنجالی بولگن بیرحالده سلام‌وطندارنینگ اختیاری گه قرار تاپگن معلومات نینگ کورستیشیچه، جمهورلیک ریاستی نینگ بیرینچی اورین‌باسری وارداتی برق پایه‌لری نینگ سقله‌نیشی توغریسیده تکلیف ایتیلگن ریجه‌لردن بیری نی تنله‌گن.
بو ریجه اساسیده، هر برق پایه‌سی سقله‌نیشی اوچون قوروقچی استخدام ایتیلیشی کیره‌ک که بو ریجه ۱۵ کوندن بویان عملی بولگن.
