ینگی دهلی ده افغانستان ایلچی‌خانه‌سی، بوگون بیر بیانیه ترقه‌تیش بیلن اعلام قیلگن که، درمان اوچون هند کیتیب و افغانستان ده تحولات یوزبیرگنیدن کیین مذکور مملکتده بند قالگن افغانلرنینگ انتقال بیریش پروسه باشلنگن.
اوشبو ایلچی‌خانه نینگ بیانیه‌سیده کیلیشیچه، هند ده بند قالگن یوزلرچه افغان نینگ انتقال بیریش پروسه، ایکی مملکت اویغونلیگی بیلن ایجاد ایتیلگن مکانیسم دن کیین باشلنگن.
مذکور افغانستان یشاوچی‌لری نینگ ایران آرقه‌لی افغانستان قیتیش‌لریگه قرار قیلینگن. عین حالده، ینگی دهلی ده افغانستان ایلچی‌خانه‌سی نینگ ایتیشیچه، بیرینچی گروه گه ۱۰۶ کیشی شامل دیر که ایران نینگ «ماهان» اوچاغی آرقه‌لی تهران گه انتقال بیریلگن.
اوشبو ایلچی‌خانه نینگ کوپه‌یتیریشیچه، اولر افغانستان یشاوچی‌لرینی انتقال بیریش اوچون ایران گه علاوه باشقه یوللرنی هم اَختریب تورگنلر.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که کابل اسلامی امارت نی نظارتی گه اوتیب و بو مملکتده سیاسی و اقتصادی اوزگریش‌لیک یوزبیرگنیدن کیین، درمان اوچون هند کیتگن یوزلرچه افغانستان یشاوچیسی حاضرگچه مملکت گه قیته آلمه‌گن ایدی.
شونده‌ی بیرحالده، بوندن آلدین هند کیتیب و کمیده ایکی آی مذکور مملکت گه بند قالگن افغانستان یشاوچی‌لریدن قطاری سلام‌وطندار بیلن صحبت اوتکزیب ایتگن ایدیلر که، مالی قیینچلیک و کسل‌لرنینگ درمان خره‌جتی نی بیره آلمه‌گنلیک‌لری باعث، اولرنینگ قولدن بیرگنلر.