کرونا گه چلینگن حربیلر و اولرنینگ عایله اعضالریدن قطاری، کووید ۱۹ کسللریگه خاص ۴۰۰ یاتاقلی کسلخانه ایشلاوچی‌لریدن شکایت قیلیب و ایتیش‌لریچه، مملکت حربی‌لریگه خاص یگانه کسلخانه‌ده کرونا کسللریگه آکسیجن و باشقه کیره‌کلی ساغلیک ملزمه‌لر سلیقوی و عدالت‌سیز شکلده آلغه کیته‌دی و کسل‌لرنی باقیش تورلی کتگوری جمله‌دن وی‌آی‌پی، ژنراللر و عادی اهالی گه بولینگن.
حربی‌لردن بیری فردوس نینگ ایتیشیچه، نیچه کوندن بویان ۴۰۰ یاتاقلی ایکینچی کسلخانه گه هیچ قنده‌ی آکسیجن بالونی کیلتیریلمه‌گن. اونینگ اورغولشیچه، برچه ساغلیک ایشلاوچیلری کوچ و توان‌لریگه باریچه کسل‌لرنی خدمتی گه قرار تاپگن، بیراق کسلخانه نینگ ساغلیک امکانیت‌لری ییترلی ایمس.
اونینگ کوپه‌یتیریشیچه: «آکسیجن بولیمی ده قیینچلیک موجود. آکسیجن عدالتلی شکلده ترقه‌تیلمه‌یدی. وی‌آی‌پی اتاقلریده بولگن کیشیلر یا هم جنرال و یا واسطه‌سی بولگن کیشی گه آکسیجن بیریله‌دی، بیراق تانیش و واسطه‌سی بولمه‌گن کیشی گه آکسیجن بیریلمه‌یدی. عادی بولیم‌لرده بیر آکسیجن یوق بیراق وی‌آی‌پی بولیمی ده نیچه اضافی آکسیجن قوییلگن. بو خصوصده داکترلر ملامت ایمس، اولر مجبورلر دیر. مدیریت و رهبرلیکده قیینچلیک بار.»
بیزلرنینگ فیسبوک صحیفه‌میزگه هم باش اورینگ!
مملکت هوایی کوچلر افسری میوند نینگ ایتیشیچه: «بو ییرده آکسیجن کم دیر، کسل‌لردن کوپینچه‌سی بازاردن آکسیجن ساتیب آله‌دیلر. ایکی کوندن بویان بو ییرده هیچ آکسیجن قالمه‌گن، داکترلر یخشی یول باریب و جدی مراقبت قیلیشه‌دی. بو ییرده بعضی دوالر تاپیلمه‌یدی، تاپیلگن صورتده هم واسطه‌دارلرگه تاپیله‌دی.
مذکور کسلخانه گه بستر بولگن کیشیلرنینگ سانی کمیده ۳۰ کیشی گه ییتیشه‌دی. اولردن بیری بو گزارش ده آتی توتیلیشی نی ایستمه‌ی ایتیشیچه: «بو کسل‌لیککه چلینگنیم گه ۱۵ کون بولدی و حاضر وضعیتم کوپ یمان دیر.»
بیزلرنینگ توییترده هم تعقیب قیلینگ!
بیراق مدافعه وزیرلیگی بو شکایت‌لرنی رد قیلیش بیلن ایتیشیچه، بو کسلخانه ده کسل‌لرگه برچه امکانیت موجود دیر.
دولتی کسلخان‌لر اینیقسه حربیلرگه خاص کرونا کسلخانه‌سیده آکسیجن یوقلیگی و کم‌لیگی توغریسیده شکایتلر کوپه‌یگن بیرحالده، کرونا گه چلینگنلر سانی کونسایین کوپه‌یماقده و شونینگدیک ساغلیک وزیرلیگی وضعیت یمان‌لنیشی حقیده آگاه‌لنتیرگن.