روسیه جمهوررئیسی ولادیمیر پوتین ینگی دهلی گه قیلگن سفری جریانیده، هند باش وزیری نرندرا مودی و اوشبو مملکت نینگ باشقه رسمی‌لری بیلن افغانستان وضعیتی خصوصیده صحبت اوتکزگن. ایکی مملکت بیر قوشمه اعلامیه ترقه‌تیش بیلن افغانستان جاری وضعیتی توغریسیده خواطر بیلدیریب و اوشبو مملکتده همه شمول حکومت ایجاد ایتیلیشی، انسان حقلری تامین‌لنیشی و دایمی ثبات اوستیگه اورغولشگن.
هند و روسیه نینگ قوشمه اعلامیه‌سیده کیلیشیچه، روسیه جمهور رئیسی افغانستان ده همه‌شمول حکومت ایجاد ایتیلیشی گه تاکید قیلیب، اسلامی امارت رسمی‌لریدن برچه قوم‌لرنینگ شرکتی بیلن بیر حکومت ایجاد قیلیشی نی سوره‌گن.
شونینگدیک هند باش‌وزیری مذکور اوچره‌شووده افغانستان نینگ حاضرگی وضعیتیدن خواطر بیلدیریب ایتیشیچه، اوشبو مملکتده تیزلیککه دایمی ثبات تامین‌لنیشی خصوصیده امیدوار دیر. اعلامیه اساسیده، ایکی تامان تاکید قیلگنلر که افغانستان ترورچیلرنینگ تینچ یاشیرین جایی گه اوزگرمه‌ی و اوشبو مملکت توپراغیدن ترورچیلر گروه‌لرنینگ رشد قیلیشی اوچون قوللنمه‌یشی کیره‌ک.
بیزلرنینگ فیسبوک صحیفه‌میزگه باش اورینگ!
هند و روسیه رسمی‌لری اوشبو اوچره‌شووده تینچ و دایمی ثبات گه ایگه بولگن بیر افغانستان گه تاکید قیلیب و ایتیش‌لریچه، افغانستان گه انسانی یاردم‌لرنینگ انتقال بیریلیشی اوچون، ایکی تامانلمه همکارلیکلر و سوزلشوولر دوام قیلیشی کیره‌ک. ایکی مملکت رهبرلری نینگ کوپه‌یتیریش‌لریچه، افغانستان نینگ آسایشته‌لیگی گه حرمت قایل بولیب و اوشبو مملکت نینگ ایچکی ایش‌لریگه مداخله قیلمه‌یدیلر.
شونینگدیک بوندن آلدین، هند و روسیه افغانستان سابق دولت سقوط قیلگنیدن کیین، بو مملکت وضعیتی خصوصیده خواطر بیلدیریب، اوشبو اولکه نی منطقه مملکت‌لریده ترورچیلیک کوپه‌یشی اوچون بیر تهدید دیگن ایدیلر.
