پاسپورت عمومی ریاست سرپرستی، پنجشیر، زابل، ارزگان، بامیان، فراه، نیمروز، بادغیس، پکتیکا، لغمان، کنر، تخار، جوزجان، سمنگان و بغلان ولایت‌لریده پاسپورت توزیع قیلیش جریانی باشلنگنیدن خبر بیرگن.
پاسپورت عمومی ریاستی نینگ سرپرستی عالم‌گل حقانی کابلده خبری بیر ییغین اوتکزیش بیلن، مملکت یشاوچی‌لریدن پاسپورت قولگه کیلتیریش اوچون اوز ولایت‌لریگه مراجعت قیلیش‌لرینی سوره‌ب و ساخته حجت تیارلشدن قول تارتیش‌لرینی ایسته‌گن.
عالم‌گل حقانی نینگ ایتیشیچه، پاسپورت اداره‌سی نینگ فعالیتی قیته باشلنگنیدن بویان ۷۵ کمیشن‌کار قولگه آلینگن.
عالم‌گل حقانی نینگ ایتیشیچه، سونگی ایکی آی جریانیده ۱۲۵ مینگ جلد پاسپورت توزیع قیلینگن.
بیزلرنینگ فیسبوک صحیفه‌میزگه باش اورینگ!
پاسپورت اداره‌سی سرپرستی‌گه کوره، اوشبو اداره ده کیله‌سی ۱۵ آی گچه توزیع قیلیش اوچون تیار پاسپورت بار و مذکور مدتده پاسپورت‌لر افغانستان اسلامی جمهوریتی نامیده توزیع قیلینه‌دی.
پاسپورت ریاست مسوول‌لری نینگ ایتیش‌لریچه، فنی قیین‌چیلیکلر حل ایتیلگنیدن کیین، کابلده هم پاسپورت توزیع قیلیش جریانی باشلنه‌دی.
مملکتده اسلامی امارت حاکم بولگنیدن کیین، پاسپورت نینگ عادی شکلده توزیع قیلیش جریانی توخته‌تیلگن ایدی و جاری ییل ۱۳- میزانده اهالی نینگ ایستگی بیلن، قیته باشلندی.
