آمریکا ده مدیسون شهر فدرال محکمه‌سی نینگ منصفه هیأتی، بیر افغانستان‌لیک مهاجرنی بیر قیز باله نی جنسی زورلش گه و باشقه بیر مهاجرنی ایسه تورموش اورتاغی نینگ کلتکلش گه عیبله‌گن.
آمریکا نینگ ای‌بی‌سی خبری شبکه‌سی مذکور مجرم‌لرنینگ بحرالله نوری و محمدهارون عماد آت‌لری بیلن ایسله‌گن. مذکور خبری شبکه نینگ گزارشی اساسیده، بحرالله نوری بیز قیز باله نی جنسی زورلش و محمدهارون عماد ایسه تورموش اورتاغی نینگ کلتکلش گه عیب‌لنگن.
مذکور مجرم‌لر آمریکا نینگ ویسکانیسن ایالتیده‌گی فورت مک‌کوی منطقه‌سیدن قولگه آلینگن. اوشبو کیشی‌لرنینگ محکمه‌سی اوتگن کون توشدن کیین، ویسکانسین ایالتی نینگ غربی منطقه‌سیده یولگه قوییلدی.
بیزلرنینگ فیسبوک صحیفه‌میزگه باش اورینگ!
محکمه نینگ ایتیشیچه، ۲۰ یاشر بحرالله نوری مک‌کوی فورت منطقه‌سیده یشه‌یدیگن پیتده، زوردن جنسی زورلش گه اقدام قیلگن.
شونینگدیک ۳۲ یاشر محمدهارون عماد، تورموس اورتاغی گه فزیکی هجوم قیلیش گه عیب‌لنگن. ای‌بی‌سی نینگ معلوماتی اساسیده، عماد تورموش اورتاغی نینگ افغانستان گه انتقال بیریب و طالبان تهدیدی بیلن دوچ قیلیش توغریسیده آگاه‌لنتیرگن.
آمریکا نینگ قانونی اساسیده، جرم اثبات‌لنگن صورتده، بحرالله نوری کمیده ۳۰ ییل حبس و حداکثر دایمی حبس گه محکوم بولیشی ممکن. شونینگدیک عماد تورموش اورتاغی نینگ کلتکله‌گنی باعث کمیده ۱۰ ییل حبس و حداکثر ۱۵ ییل حبس گه جزالنتیریلیشی ممکن.