هرات حوزهای کسلخانهسیده شفاکارلردن قطارینینگ ایتیشلریچه، حامله عیاللردن قطاری حاملهدارلیک چاغیده حاملهدارلیک ماسک یا-ده قهوه رنگلی تیری لکهلرنینگ دوالنیشی اوچون کسلخانهگه مراجعت قیلمهیدیلر. هرات حوزهای کسلخانهسیده تیری کسللیکلری بولیمی مسئولی وزیراحمد سراجنینگ سلاموطندار گه ایتیشیچه، عیاللر اینیقسه قیشلاقده حیات کیچیرهدیگن عیاللردن قطاری، اهالی قضاوتیدن قورقیش، شرم و فرهنگی ناتوغری ایشانچلر سبب، حاملهدارلیک چاغیدهگی بو لکهلرنی دوالش اوچون دوالنیش مرکزلرگه مراجعت قیلمهیدیلر.
اونینگ کوپهیتیریشیچه: «افغانستان ده گوزهللیک اوچون جودهیم آز مراجعت قیلهدیلر؛ اصلا بو کسللیکلر دوالنیشنینگ بیر بولیمی ایمس، هرات حوزهای کسلخانهسیگه کوپ مراجعت قیلمهیدیلر. عیاللردن کوپ قطاری شرم قیلهدی و شفاکار گه کیلمهیدی؛ چون جمعیتیمیز سنتی دیر و اهالی فرهنگی بو رقم که عیاللر کسللیکلرینی کورستمهیدیلر. کیلهدیگن کسللر هم بای کیشیلر دیر که گوزهلیکلریگه حرمت قایللر و اولر هم خصوصی مرکزلرگه بارهدیلر. افغانستان ده حاملهدارلیک ماسک بیر کسللیک ایمس، کوپینچه کیشی اونی کسللیک بیلهدی. اولرنینگ ایشانچیگه کوره، هر بیر سوت بیرهدیگن عیال و حاملهدار بولهدیگن عیال، حاملهدارلیک چاغیدن کیین یخشیلنهدی.»
بیزلرنینگ «ایکس» ترماغی ده هم تعقیب قیلینگ!
هرات حوزهای کسلخانهسیده تیری کسللیکلری بولیمی شفاکارلریدن باشقه بیری بصیره منصفگه کوره، عیاللردن قطاری شرک قیلیش سبب، تیری لکهلرینی اصلی کسللیکلریدن بیلمهیدیلر. اونینگ کوپهیتیریشیچه: «حاملهدارلیک ماسک، هورمونی تغییرلر اوچون حاملهدار عیالرلرده اورتهگه کیلهدی. عیاللردن قطاری سینگیل و بالهلری بیلن پتالوژی یا-ده باشقه کسللیک اوچون کیلهدیلر که کیین ایسه حاملهدارلیک ملاسمایینی بیزلر بیلن شریک قیلهدیلر؛ یعنی کسلخانه گه بو کسللیکلری اوچون مراجعت قیلمهیدیلر.»
باشقه بیرتاماندن، هرات دهگی تیری کسللیکلری بوییچه متخصص شفاکار زحل فرمندنینگ ایتیشیچه، قهوه رنگلی تیری لکهلری حاملهدارلیک چاغیده هورمونی تغییرلر سبب اورتهگه کیلهدی که کوپراق، عیاللرنینگ باش اوچ آیلیک حاملهدارلیگیده کوریلهدی. اونینگ کوپهیتیریشیچه: «ملاسما یا-ده کلاسما که حاملهدارلیک ماسک دییلهدی، عیاللر آرهسیده حاملهدارلیک چاغیده اینگ کوپ کوریلهیگن تیری اوزگریشلریدن دیر. اوشبو تیری لکهلری کوپراق پیشانه و منهیده اورته گه کیلهدی. حاملهدارلیک چاغیده بو لکهلر کمهیشی اوچون، قویاش نوریده توختهتیلمسلیگی و جنین گه زیان ییتیشتیرمهیدیگن ضدآفتابدن فایدهلنیش کیرهک.»
یوزلریده قهوه رنگلی لکهلردن اذیت چیکهدیگن حاملهدار عیاللردن فاطمه امینی و معصومه مومنینینگ ایتیشلریچه، مذکور لکهلر گوزهلیکلری و اوزلریگه ایشانیشلری توغریسیده سلبی تاثیر قویگن.
بیزلرنینگ فیسبوک صحیفهمیزگه باش اورینگ!
فاطمهنینگ ایتیشیچه: «بوندن آلدین یوزیم پاک ایدی و هیچ لکهسی یوق ایدی. حاضر ییتی آیلیک حاملهدارمین. بو لکهلر کوپراق و قرهراق بولگن. هیچ کیم مینگه هیچ نرسه دیمهیدی، بیراق اوزیم کوپ شرم قیلهمن و یوزیمنینگ خراب بولگنینی توشینهمن.»
شونینگدیک معصومهنینگ ایتیشیچه: «قیزیم سکیز آیلیک بولگن و حاضرگچه بو لکهلر یوزیمده قالگن، نیچه مرته شفاکار گه بارماقچین بولدیم، لیکن عایله ضرور ایمس و بو لکهلر اوزی کیتهدی دیدی؛ بیراق حاضرگچه کیتمهگن.»
ایتیش کیرهک که، حاملهدارلیک چاغیده قهوه رنگلی تیری لکهلری، عیاللردن قطارینینگ یوزی، پیشانهسی، چکهلری، بورون و لبلرینینگ یوقاریسیگه کوریلهدی.
