هرات ده الفاروق ۲۰۷ قول اردو ده‌گی منبع اسمی سِر قالیش شرطی بیلن سلام‌وطندار گه ایتیشیچه، اوشبو قول اردو ایشلاوچیلری گه علیحده ایکی هجوم ده، ایکی ایشلاوچی هلاک بولیب و ۱۸۰ دن آرتیق کیشی ایسه یره‌لنگن.
منبع گه کوره، اوشبو هجوم‌لر هرات شهری نینگ نمبر یک و غیزان سنگر منطقه‌لریده یوز بیرگن. منبع نینگ کوپه‌یتیریشیچه، اسلامی امارت کوچلری و قوراللی هجومچیلر آره‌سیده توقنشوو نتیجه‌سیده هجومچیلردن بیری هلاک ایتیلگن.
بیزلرنینگ فیسبوک صحیفه‌میزگه باش اورینگ!
عین‌حالده، هرات حوزوی کسلخانه شفاکارلریدن بیری نینگ سلام‌وطندار گه ایتیشیچه، اسلامی امارت کوچلر ی گه عاید ۱۶ یره‌دار کیشی و ایکی جسد مذکور کسلخانه گه انتقال بیریلگن. اونگه کوره، ایکی تینچ اهالی هم یره‌لنگن.
هرات محلی مسئوللری، اوشبو واقعه ده هلاک بولگن‌لر و یره‌دار بولگن‌لر حقیده حاضرگه قدر هیچ نرسه دیمه‌گنلر. هرات امنیه قوماندان‌لیگی سوزلاوچیسی محمودشاه رسولی، قول اردو ایشلاوچیلری گه هجوم اویوشتیریلیشینی قبول قیله‌دی؛ لیکن اولگن‌لر و یره‌دارلر رقمینی تصدیق قیلمه‌یدی.
بیزلرنینگ توییترده هم تعقیب قیلینگ!
بوگون (دوشنبه، ۱۳ سرطان)، بامداد چاغی نامعلوم قوراللی هجومچیلر الفاروق ۲۰۷ قول اردو قوماندان‌لیگی ایشلاوچیلری نینگ موتری گه هجوم قیلدیلر.
واقعه گواه‌لری نینگ ایتیشلریچه، توقنشوو قریب یریم ساعت دوام قیلیب و واقعه یوز بیرگن منطقه ده کوچلی آتیشمه یوز بیرگن.
هجوم مسئولیتینی حاضرگه قدر هیچ کیم یا گروه زمه‌سیگه آلمه‌گن.