بوگون (یکشنبه، ۱۶-ثور)، هرات ده آلتی کون‌لیک «یول بویی کتاب کورگزمه‌سی» اسمی آستیده، کتاب کورگزمه‌سی یولگه قوییلگن.
اوشبو کورگزمه نینگ یولگه قوییگن مسئوللردن بیری فاروق محمودی نینگ ایتیشیچه، اولر هرات ولایتی‌ده بو کبی کورگزمه‌لر نینگ کوپراق یولگه قویلیشی اوچون سعی‌وحرکت قیله‌دیلر.
بیزلرنینگ فیسبوک صحیفه‌میزگه باش اورینگ!
محمودی یول بویی کتاب کورگزمه‌سی نینگ یولگه قوییلگنی‌دن مقصد، ییگیتلر و یاش ییگیتلر آره‌سیده کتاب اوقیش فرهنگی رواجلنیشی عنوان قیلگن.
باشقه بیر تاماندن، مذکور کورگزمه گه شرکت قیلگنلردن قطاری بو کبی کورگزمه‌لر نینگ یولگه قوییلیشی نی ییگیتلر اینیقسه عیاللر و قیزلر آره‌سیده کتاب اوقیش گه قیزیقیش اوچون فایده‌لی بیله‌دیلر.
اوشبو کتاب کورگزمه‌سی گه شرکت قیلگنلردن بیری پریسا پوپل نینگ ایتیشیچه: «حقیقتا خوش‌مین. حاضرگی شرایط‌ده قیزلر و عیاللر، مکتب و بیلیم یورتلر گه باره آلمه‌یدیلر و بو کورگزمه‌لر اولر نینگ روحیه‌لری اوچون یخشی دیر. حاضر بیلیم یورتلر یاپیق‌لیگی اوچون قیزلر کورگزمه‌لرده‌گی کتاب‌لر یولی آرقه‌لی بیلیم سطح‌لری نی یوقاری ایلته آله‌دیلر.»
شونده‌ی بیرحالده، هرات معلومات و مدنیت ریاستی نینگ مدنیت و صناعت آمری حمید‌الله غیاثی، کتاب اوقیش فرهنگی رواجلنیشی نی اونملی و اساسی دیب و ایتیشیچه، اولر بو کبی کورگزمه‌لر نینگ کوپراق یولگه قوییلیشی اوچون زمینه یره‌تیش خصوصیده سعی‌وحرکت قیلماقده‌لر.
بیزلرنینگ «ایکس» ترماغی ده هم تعقیب قیلینگ!
شونینگدیک اوشبو یول بویی کتاب کورگزمه‌سیده تورلی بولیم‌ده ۲ مینگ‌دن آرتیق کتاب نمایش گه قوییلگن.
ایتیش کیره‌ک که، جاری ییل نینگ باشلنگنی‌دن حاضرگچه اوشبو ولایت‌ده اوچینچی مرته دیر که کتاب کورگزمه‌سی یولگه قوییله‌دی.
