هرات ده قربان هییتی ییتیب کیلشیی مناسبتی بیلن، بوگون (پنجشنبه، ۱-سرطان)، سوداگر عیاللر تولید‌لری نینگ نمایش گه قوییش مقصد، «شکوه عید» اسمی آستیده بیش کونلیک بیر کورگزمه یولگه قوییلگن.
اوشبو کورگزمه گه قول صناعتلری نی نمایش گه قویگن سوداگر عیال‌لردن بیری فروزان نیک‌فرجام، بو کبی کورگزمه‌لر نینگ یولگه قوییلیشی خصوصیده خورسند‌لیک بیلدیرگن.
اونینگ کوپه‌یتیریشیچه: «اهالی بو توغریده معلوماتی یوق، انه شوو سبب بو کبی کورگزمه‌لر نینگ یولگه قوییلشی یخشی دیر. کورگزمه یولگه قوییلگنی پیتده، اهالی کیلیب کوره‌دی.»
بیزلرنینگ توییترده هم تعقیب قیلینگ!
شونینگدیک سوداگر عیال‌لردن باشقه بیری حسیبه، بو کبی کورگزمه‌لر نینگ یولگه قوییلیشی نی، تجارت و بازار تاپیش خصوصیده فایده‌لی بیله‌دی. «بو کبی کورگزمه نینگ یولگه قوییلگنی‌دن جوده‌یم خوش‌مین. بو کبی کورگزمه‌لر نینگ یولگه قوییلیشی بیلن ایشی‌میز یخشی بوله‌دی.»
شونده‌ی بیرحالده، اوشبو کورگزمه گه شرکت قیلگن عیال‌لردن قطاری، باشقه عیال‌لردن سوداگر عیاللر نینگ تشویق بولینیشی اوچون اوشبو کورگزمه گه کیلیب کوریشلری نی ایسته‌گنلر.
مذکور کورگزمه گه شرکت قیلگنلردن بیری شریفه نینگ ایتیشیچه: «عیاللر نی تشویق قیلیش اوچون بو رقم کورگزمه‌لر گه شرکت قیلیش یخشی دیر. برچه عیال‌لردن کورگزمه‌لر گه شرکت قیلیب، عیاللر قول صناعتی و تولید‌لریدن آلیش‌لرینی ایسته‌یمن.»
شونینگدیک اوشبو کورگزمه گه شرکت قیلگنلردن باشقه بیری شبیره نینگ ایتیشیچه: «بو ییر گه کیلدیم و نرسه‌لر نی کوردیم. کوپ یخشی محصوللر بار بو ییرده و بیراز آلیش-بیریش قیلدیم. برچه عیال‌لردن بو ییرگه کیلیشلری نی ایسته‌یمن.»
بیزلرنینگ فیسبوک صحیفه‌میزگه باش اورینگ!
عین حالده، غرب حوزه‌سیده سوداگر عیاللر اتاقی مسئولی، بو کبی کورگزمه‌لر نینگ یولگه قویلیشیدن مقصد، سوداگر عیاللر اقتصادی رواجلنیشی عنوان قیلگن.
غرب حوزه‌سیده سوداگر عیاللر اتاقی رئیسی ادیبا وزیری نینگ ایتیشیچه: «بو کورگزمه هییت بیره‌می مناسبتی گه یولگه قوییلگن و ۶۰ غرفه بار که، عیاللر نینگ قول صناعتی نمایش گه قوییلگن. کیله‌جک‌ده عیاللر اقتصادی رواجلنیشی اوچون بیر قطار برنامه‌لریمیز بار.»
ایتیش کیره‌ک که، هرات ده عیاللر اقتصادی رواجلنیشی مقصد، سوداگر عیاللر قول صناعتی و تولید‌لری نینگ نمایش گه قوییش اوچون یولگه قوییلگن ۱۶- کورگزمه دیر.
