اوتگن کون (دوشنبه، ۲۲-عقرب)، هرات شهری‌ده آمریت چهارراهه‌سیده مومنی نشریاتی آرقه‌لی ییتی کون‌لیک یول بویی کتاب کورگزمه‌سی یولگه قوییلگن.
مومنی نشریاتی مسئولی سعیدمومنی نینگ ایتیشیچه، اوشبو کورگزمه ییگیت‌لر آره‌سیده کتاب اوقیش فرهنگی رواجلنیشی مقصد، مذکور ولایت‌ده یولگه قوییلیب و یول بویی کتاب کورگزمه‌سیده تورلی موضوع‌لر بیلن اونلب کتاب نمایش گه قوییلگن.
بیزلرنینگ «ایکس» ترماغی ده هم تعقیب قیلینگ!
باشقه بیر تامان‌دن، مذکور یول بویی کتاب کورگزمه‌سی گه شرکت قیلگن ییگیت‌لردن قطاری نینگ ایتیشلریچه، سونگی ۲۰ ییل جریانیده تکنالوژی رواجلنیشی بیلن، مطالعه فرهنگی تنزل گه یوز توتگن و شونینگدیک ییگیت‌لردن قطاری کتاب اوقیش گه اونچه‌لیک اهمیت بیرمه‌یدی.
اوشبو کورگزمه گه شرکت قیلگن ییگیت‌لردن بیری فریداحمد نینگ ایتیشیچه: «قیغو بیلن اجتماعی ترماق‌لرده ییگیت‌لر نینگ فعال بولگنی سبب، کتاب اوقیش فرهنگی کمه‌یگن. کتاب اوقیش انسان نینگ ذهنی نی رواجلنتیریش و بیلیم سطحی نی آشیره‌دی.»
شونینگدیک ییتی کون‌لیک مذکور کورگزمه گه شرکت قیلگن ییگیت‌لردن باشقه بیری عبدالقدیر ابراهیمی نینگ اورغولشیچه، ییگیت‌لر کونده یریم ساعت کتاب اوقیب، اوز بیلیم درجه‌‌لری نی کوپه‌یتیرسینلر.
عین حالده، مذکور کورگزمه گه شرکت قیلگن ییگیت‌لردن قطاری، اجتماعی ترقاق‌لرده اویین-کولگی اورنیده، اوزلری نی کتاب اوقیش گه عادت بیریشلری نی ایسته‌گنلر.
بیزلرنینگ فیسبوک صحیفه‌میزگه باش اورینگ!
ایتیش کیره‌‌ک که، ییگیت‌لر نینگ حد‌دن آشه اجتماعی ترماق‌لردن قوللنیش‌لری، تعلیمی و تحصیلی نهاد‌‌لر نینگ قیزلر یوزیگه یاپیق قالگنی، ایش‌سیزلیک و اقتصادی قیین‌چیلیک‌لر، یشاوچیلر آره‌سیده مطالعه فرهنگی نینگ کمه‌یگنی اساسی سبب‌لریدن دیر.