حزب‌الله لبنان، اۉتگن کون اسرائیل نینگ هوا هجوملری عاقبتیده ییریک بیر قوماندانی هلاک بولیشی گه مناسبت بیلدیریب بوگون (۲۳-جوزا، چهارشنبه) اسرائیل تامان چمه‌سی ۱۶۰ موشک آتگن.
شو بیلن بیرگه، حزب‌الله باشقریله‌دیگن یوزلب موشک و کاتیوشا راکته اسرائیل نینگ شمالی حدودلری گه آتگنینی اعلام قیلگن.
بو اۉتگن ییل ۷ اکتوبر آی دن بېری حزب‌الله لبنان نینگ اسرائیل گه قرشی اېنگ بویوک راکته هجومی سنله‌دی.
بیزلرنینگ فیسبوک صحیفه‌میزگه باش اورینگ!
بوندن آلدینراق حزب‌الله لبنان اسرائیل نینگ حربی کارخانه‌سیگه تورت هجومی جمله دن باشقریله‌دیگن موشک‌لری بیلن اوچاق‌لری نینگ هجومیدن گزارش بیرگن اېدی.
اسرائیل دولتی بو هجوملر نینگ تلفاتی و زیان‌لری حقیده حاضرگه ایضاح کېریتمه‌گن.
عین‌حالده اوشبو هجوملر طفیلی اسرائیل نینگ شمالیده خطر آژیری چلینیب و لبنان همده اسرائیل چېگره‌سیده کېسکین‌لیک‌لر کوچه‌یگن.
بیزلرنینگ «ایکس» ترماغی ده هم تعقیب قیلینگ!
شو بیلن بیرگه، مذکور مملکت اردوسی لبنان دن اسرائیل تامان ۹۰ موشک آتیلگن و اولردن بیرقطاری یوق اېتیلیب و باشقه بیر قطاری اوشبو مملکت نینگ شمالی نیچه نقطه‌سیده اصابت قیلگن.
رویترز نینگ معلوماتی اساسیده، اسرائیل و حماس اۉرته‌سیده اوروش باشلنگنیدن بېری ایکّی تامان نینگ هجوملری عاقبتیده لبنان‌لیک کمیده ۸۰ تینچ اهالی، حزب‌الله نینگ ۳۰۰ جنگریسی، اسرائیل‌‌لیک ۱۰ تینچ اهالی و ۱۸ عسکری هلاک بولگن.
