کابل نینگ انتانی کسلخانهسیدهگی شفاکارلر گه کوره، سونگی کونلر هوا ایسیق‌لیگی طفیلی تورلی‌خیل کسللیکلر گه چلینگنلر سانی کوپه‌یگن.
هوا نینگ کوپ ایسیق بولگنی بیلن یشاوچیلردن کوپینچه‌سی ایچکیتمه، محرقه، ایسیتمه، یوتل و تورلی‌خیل سریغلمه کسللیکلری گه چلینیب و کسل‌خانه‌لر گه مراجعت قیله‌دیلر.
انتانی کسلخانهسیدهگی شفاکارلردن احسان‌الله حکیمی نینگ ایتیشیچه، حاضر ایسه هر کونی هوا ایسیق‌لیگی طفیلی کسل بولگن ۳۰۰دن آرتیق کیشی دوالنیش و معاینه بولیش مقصد اوشبو کسلخانه گه مراجعت قیله‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «هر کونی هوا ایسیق‌لیگی طفیلی کسل بولگن ۳۰۰دن آرتیق کیشی اوشبو کسلخانه گه مراجعت قیله‌دی. کوپراق حساسیت و باشقه کسللیکلر گه چلینگن کیشیلر کسلخانه گه کیله‌دی. ایسیتمه، جان آغریق، ایچ کیته و قیتریش کسللیکلری کوپه‌یگن.»
شونده‌ی بیرحالده، سونگی کونلر ایچ کیتمه، ایسیتمه، یوتل یا-ده سریغلمه گه چلینگن کسللر همراه‌لری هم، هوا نینگ کوپ ایسیق‌لیگی نی اوشبو کسللیکلر سببلریدن دیگنلر.
انتانی کسل‌خانه‌سیده کسل‌دارلردن شیرزوی نینگ ایتیشیچه: «شو کیچه کیلتیردیک، ایچ کیتمه‌سی بار ایدی و قیتره‌ر ایدی. شفاکارلر محرفه و قاره سریغلمه دیه‌دیلر. حاضر بستری دیر.»
شونینگدیک کسل‌دارلردن باشقه بیری بشیراحمد نینگ ایتیشلریچه: «بو ییر گه کیلتیرگنی‌میزدن ایکی کون بوله‌دی، قان‌لی ایچ کیتمه‌سی بار و باشقه قیین‌چیلیگی یوق. هوا ایسیق بولیشی بیلن بو قیین‌چیلیک نی تاپدی، بوندن آلدین بو کبی بیر کسل‌لیگی یوق ایدی.»
شفاکارلر کسل‌‌لردن باش آغریق، جان آغریق، قیتریش و ایچ کیتمه کبی علایم‌لری بولگنی‌ده، تیزلیک بیلن درمانی مرکزلر گه مراجعت قیلیشلری نی ایسته‌گن.
بیزلرنینگ «ایکس» ترماغی ده هم تعقیب قیلینگ!
انتانی کسلخانهسیدهگی شفکارلردن بیری سمیع‌الله، هوا ایسیق‌لیگی طفیلی کسللیکلر آلدی آلینیشی اوچون، قیزرتیریلگن آزیق-آوقتلر نینگ قوللنیلمسلیگی و کوپراق سوویق نرسه‌لردن قوللنیلیشی و قویاش نوریدن اوزاق بولینیشی کیره‌ک دیگن. «قویاش آستیده قالگن نرسه‌لر کسل قیله‌دی. محرقه و باشقه کسللیکلر بار که کوپراق ایسیق‌لیک طفیلی اورته گه کیله‌دی. ایچ کیتمه هم کوپه‌یگن. قویاش نوریدن اوزاق بولیش و قیزرتیریلگن آوقت‌لردن قوللنیلمسلیگی کیره‌ک. شونینگدیک ساووق سویوق نرسه‌لردن قوللنیلسین.»
شونینگدیک خلق‌ارا ساغلیق‌نی تشکیلاتی اوتگن کونی اوز ایکس صحیفه‌سیده بیر بیانیه ترقه‌تیب، ییر نینگ حرارت درجه‌سی آشگنی‌دن آگاه‌لنتیریب و اهالی‌دن کوپراق ایسیق هوا‌دن اوزاق توریشلری و آغیر فعالیت‌لر نینگ انجام بیرمسلیکلری نی ایسته‌گن.
منظم شکلده ساووق سوو ایچیش، قویاش عینکی تاقیش، ساووق سوو بیلن حمام قیلیش و یینگیل‌راق کییم کییش، ایسیق اوریش آلدی آلینیشی اوچون اهالی گه خلق‌ارا ساغلیق‌نی سقلش تشکیلاتی نینگ توصیه‌لریدن دیر.
